अमरदीपले ल्याए सुनुवार भाषाको गीत ‘टुङ्ना ताप्स्यो’

News Summary

Generated by OK AI. Editorially reviewed.

सुनुवार भाषाको नयाँ गीत ‘टुङ्ना ताप्स्यो’ सार्वजनिक भएको छ, जसको रचना अमदीप सुनुवारले गरेका हुन्।
रचनाकार सुनुवारले आफ्नो भाषा, पहिचान र संस्कृतिको संरक्षण गर्न यो गीत सिर्जना गरेको बताए।

सुनुवार (कोइँच) भाषाको नयाँ गीत सार्वजनिक भएको छ । गीतको बोल छ, ‘टुङ्ना ताप्स्यो ।’ सुनुवार लोक लयमा आधारित गीतको अमदीप सुनुवारले रचना गरेका हुन् । मेला भर्न जाँदा यस्तो गीत गाउँदै रमाइलो गर्ने परम्परा छ ।

गीतको म्युजिक भिडियोमा त्यस्तै माहोल बनाइएको छ, जहाँ सुनुवार भेषभूषामा ठाँटिएका युवायुवती रमाइलो गरिरहेका छन् । यसमा सुजन सुनुवार, कल्पना सुनुवारलगायतको अभिनय छ । भिडियोलाई अमरदीप सुनुवारले निर्देशन गरेका हुन् ।

सुनुवारको रचनालाई रामकुमार पौडेलले संगीत दिएका छन् । यसमा कल्पना सुनुवारले भाका हालेकी छिन् । गीतको भिडियोले सुनुवारको मौलिक परम्पराको झल्को दिन्छ ।

आफ्नो भाषा, पहिचान र संस्कृति जोगाउने अभिप्रायले यो गीत सिर्जना गरिएको रचनाकार सुनुवारको भनाइ छ । नयाँ पुस्तालाई आफ्नो भाषा र संगीतप्रति गर्व गर्न प्रेरणा मिल्ने उनको अपेक्षा छ ।

सुनुवार भन्छन्, ‘भाषा मरे संस्कृति मर्छ । त्यसैले गीत, संगीत र कलामार्फत हामी आफ्नो पहिचान बनाइरहेका छौं ।’

भनिहालौं, सुनुवारले यसअघि ‘पृथ्वीको स्वेतपत्र’ शीर्षकको कवितासंग्रह प्रकाशित गरेका थिए ।