News Summary
Generated by OK AI. Editorially reviewed.- नेहा कक्करसँग एकदेव लिम्बुको सहकार्य रहेको ‘झिम झिम’ गीतको टिजर भिडियो सार्वजनिक भयो।
- भिडियोमा ऋत्भिक साहोर र प्रिया प्रकाश वारिअरले अभिनय गरेकाछन् र २७ मा भिडियो रिलिज हुनेछ।
- गीतको नेपाली संस्करणमा दिकिला शेर्पाले समेत अभिनय गरेकी छन् र यो गीत ग्लोबल ट्रेन्डिङमा समावेश भएको थियो।
काठमाडौं । बलिउड गायिका नेहा कक्करसँग नेपाली गायक एकदेव लिम्बुको सहकार्य रहेको हिन्दी संस्करणको गीत ‘झिम झिम’को रोमान्टिक टिजर भिडियो सार्वजनिक भएको छ ।
४० सेकेन्डको टिजरमा हिन्दी र नेपाली गीतको मिश्रण छ । नेहाले हिन्दीमा गाएकी छन् भने एकदेवले नेपाली संस्करण ‘झिमझिमाउने आँखा’लाई नेपालीमै गाएका छन् ।
हिन्दी र नेपालीको ‘म्यासअप’ले दुई भाषा, दुई कलाकारलाई जोडेको रुपमा बुझ्न सकिन्छ । गीतको भिडियोमा ऋत्भिक साहोर र प्रिया प्रकाश वारिअरले अभिनय गरेका छन् ।
भव्य महलमा भैरहेको विवाहको सेटिङमा भिडिया छायांकन गरिएको छ । जुन २७ मा यो गीतको भिडियो आउनेछ । ‘झिमझिमाउने आँखा’ लिम्बुको ग्लोबल हिट गीत हो जुन युट्युब म्युजिकको ग्लोबल ट्रेन्डिङमा समावेश भएको थियो ।
यो गीत स्पोटीफाईमा भारतका ५० भाइरल गीतको सूचीमा थियो । यो गीतको नेपाली संस्करणको भिडियोमा एमटिभी स्प्लिट्सभिल्लाकी प्रतियोगी तथा कलाकार दिकिला शेर्पाले समेत अभिनय गरेकी थिइन् ।
हिन्दी भिडियोमा भने भारतीय कलाकारलाई चित्रण गरिएको देख्न सकिन्छ । एकदेव नेपालको युवापुस्तामा रुचाइएका नेपाली गायक हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4