News Summary
Generated by OK AI. Editorially reviewed.- नेपालका दुई बालकले मलेसियामा आयोजित ‘वर्ल्ड जुनियर टुरिजम एम्बेसडर २०२५’मा विभिन्न उपाधि जिते।
- अदृत कुँवरले ‘प्रिन्च जुनियर टुरिजम एम्बेसडर २०२५’को उपाधि र ‘बेष्ट क्याटवाक’, ‘बेष्ट इन स्पीच’ अवार्ड जिते भने निर्भय श्रेष्ठले ‘बेष्ट टुरिजम भिडियो’ अवार्ड प्राप्त गरे।
- दुवैले नेपालको कला–संस्कृति र पर्यटन प्रवद्र्धन गर्दै अन्तर्राष्ट्रिय प्रतियोगितामा नेपालको प्रचार गरे।
काठमाडौँ । मलेसियामा आयोजित ‘वर्ल्ड जुनियर टुरिजम एम्बेसडर २०२५’मा नेपालका दुई बालकले शीर्षसहित विभिन्न उपाधि जितेका छन् ।
अदृत कुँवरले ‘प्रिन्च जुनियर टुरिजम एम्बेसडर २०२५’को उपाधि जित्दा सोही प्रतियोगीतामा सहभागी अर्का बालक निर्भय श्रेष्ठ उपविजेता घोषित भए ।
कुँवरले ‘बेष्ट क्याटवाक अवार्ड’ र ‘बेष्ट इन स्पीच अवार्ड’समेत हात पार्दा श्रेष्ठले ‘बेष्ट टुरिजम भिडियो अवार्ड’ जित्न सफल रहे ।
क्वालालम्पुरमा जुन २३ देखि २७ सम्म आयोजना हुने कार्यक्रमका लागि श्रेष्ठ र कुँवरलाई रेडियन्ट इभेन्ट म्यानेजमेन्ट एजेन्सीले सहभागी गराएको हो ।
‘वर्ल्ड जुनियर टुरिजम एम्बेसडर’ विश्वका विभिन्न देशका बालबालिका सहभागी हुने अन्तर्राष्ट्रिय प्रतियोगिता हो । दुवैले प्रतियोगितामा नेपाली कला–संस्कृतिको प्रचारप्रसार गर्दै नेपालको पर्यटन प्रवद्र्धन समेत गरेका छन् ।
प्रतियोगितामा कुँवरले नेपाली ‘लाखे’ र श्रेष्ठले नेपाली मौलिक बाजा ‘मादल’को प्रचार गरेका थिए । दुवैले प्रतियोगिताका लागि नेपालका सम्पदा, कलासंस्कृति र एडभेन्चर पर्यटनको प्रवद्र्धन गर्ने भिडियो सामग्रीसमेत तयार पारेका थिए । जसले अन्तर्राष्ट्रिय प्रतियोगीलाई नेपालप्रति आकर्षित गरेको बताइन्छ ।
प्रतियोगितामा बालबालिकासँगै अन्तर्राष्ट्रिय मोडल तथा फेसन कोच राज फैजु पनि सहभागी थिए । दुवैजना बालक रेडियन्ट इभेन्ट म्यानेजमेन्ट एजेन्सीले आयोजना गरेको ‘मिलेनियम किड्स इन्टरनेसनल २०२५’का विजेता हुन् । प्रतियोगितामा सहभागी कुँवर र श्रेष्ठको फेसन कन्सेप्ट डिजाइनर श्रीषा बैदारले तयार गरेकी हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4