News Summary
Generated by OK AI. Editorially reviewed.- काभ्रेको रोशी गाउँपालिका–९ नार्केमा पहिरो खसेर अवरुद्ध भएको बीपी राजमार्ग एकतर्फी खुलेको छ।
- सडक विभाग र प्रहरीको सहयोगले सडक एकतर्फी सञ्चालनमा ल्याइएको हो।
- सडक अवरुद्ध हुँदा तराईबाट आएका सवारी र एम्बुलेन्स समेत रोकिएका थिए।
१६ असार, काभ्रे । काभ्रेको रोशी गाउँपालिका–९ स्थित नार्केमा लेदोसहित खसेको पहिरोका कारण अवरुद्ध भएको बीपी राजमार्गमा यातायात एकतर्फी खुलेको छ ।
वर्षापछि सडक माथिबाट खसेको लेदोको कारण बीपी राजमार्गको रोशी गाउँपालिका-९ नार्केमा सडक अवरुद्ध भएको थियो ।
सोमबार साँझ ५ बजेबाट अवरुद्ध भएको सडक इलाका प्रहरी कार्यालय मंगलटारबाट खटिएको टोली र सडक विभागको मेसिनको सहयोगमा एकतर्फी सञ्चालनमा ल्याइएको जिल्ला प्रहरी कार्यालय काभ्रेका प्रमुख प्रहरी उपरीक्षक कोमल शाहले जानकारी दिए ।
सडक अवरुद्ध भएपछि तराईबाट आएका एम्बुलेन्स लगायत सवारी साधन रोकिएका थिए । सडक एक तर्फी खुलाएर एम्बुलेन्स र रोकिएका सवारीहरु पास गराएपछि सडक दुईतर्फी खुलाउने प्रयास भइरहेको छ ।
विशेषगरी बीपी राजमार्ग जोडिएका ग्रामिण सडकबाट बग्ने लेदोको कारण राजमार्ग पटकपटक अवरुद्ध हुँदै आएको छ । यसअघि पनि धुलिखेल ११ पात्लेखेतमा राजमार्ग अवरुद्ध भएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4