१८ असार, काठमाडौं । सरकारले आगामी आर्थिक वर्ष २०८२/८३ लाई आन्तरिक रोजगारी सिर्जना वर्षका रूपमा मनाउने भएको छ ।
श्रम रोजगार तथा सामाजिक सुरक्षामन्त्री शरदसिंह भण्डारीले यस्तो जानकारी दिएका हुन् ।
राष्ट्रिय सभामा विनियोजन विधेयक २०८२ का सन्दर्भमा उठेका प्रश्नको जवाफ दिँदै उनले आन्तरिक रोजगारी सिर्जनालाई अभियानका रूपमा मनाउन लागिएको बताए ।
उनले रोजगारीको दीर्घकालीन व्यवस्था नहुने बेलासम्म सबै गाउँपालिकामा राष्ट्रिय रोजगार प्रवर्द्धन कार्यक्रमले अल्पकालीन रोजगारी सिर्जनाको व्यवस्था मिलाइएको मन्त्री भण्डारीले बताए ।
मुलुकको रोजगारीमा विदेशी र विदेशको रोजगारीमा नेपाली जाने प्रवृत्तिलाई परिवर्तन गर्नुपर्ने उनको भनाइ छ ।
उनले हालै सरकारले यूएईमा नेपाली श्रमिकको न्यूनतम पारिश्रमिक तोकिएको समेत जानकारी दिए ।
हरेक दुई वर्षमा न्यूनतम ज्यालादर तोक्ने गरिएकोमा मन्त्रालयले अहिले छलफल गरिरहेको समेत उनले बताए ।
नेपालले थप १३ युरोपेली मुलुकसँग श्रम समझदारी गर्न प्रस्ताव गरेको समेत जानकारी गराए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4