अवैध विदेशी मुद्रा भेटिएपछि विमानस्थलबाटै पक्राउ परे बैंकक जान लागेका व्यक्ति

News Summary

Generated by OK AI. Editorially reviewed.

त्रिभुवन अन्तर्राष्ट्रिय विमानस्थल सुरक्षा कार्यालयले नागार्जुन नगरपालिका–१५ का ४६ वर्षीय प्रेम गुरुङलाई अवैध विदेशी मुद्रासहित पक्राउ गरेको छ।
प्रहरीले काठमाडौंबाट बैंकक जान लागेका उनलाई ह्यान्ड ब्यागेज जाँच गर्दा १३ हजार युरो, २३ हजार ५ अमेरिकी डलर, ६ हजार स्वीस फ्रान्क र १० हजार ८ सय ७० थाई भाट बरामद गरेको छ।
अवैध रकम फेला परेपछि उनलाई राजस्व अनुसन्धान विभाग, पुल्चोक पठाइदिएको र थप अनुसन्धान जारी रहेको प्रहरीले जनाएको छ।

२९ असार, काठमाडौं । नेपालबाट बैंकक जान लागेका नागरिकको साथबाट प्रहरीले विभिन्न मुलुकका अवैध मुद्रा बरामद गरेको छ ।

त्रिभुवन अन्तर्राष्ट्रिय विमानस्थल सुरक्षा कार्यालयले अवैध विदेशी मुद्रासहित नागार्जुन नगरपालिका–१५, कारखाना चोकका ४६ वर्षीय प्रेम गुरुङलाई पक्राउ गरेको हो ।

प्रहरीका अनुसार, थाइ एयरवेजको उडानमार्फत काठमाडौंबाट बैंकक जान लागेका उनलाई अन्तर्राष्ट्रिय उडानतर्फको ह्यान्ड ब्यागेज एरियामा जाँच गर्ने क्रममा झोलामा बरामद रकम भेटिएको थियो ।

उनको साथमा १३ हजार युरो, २३ हजार ५ अमेरिकी डलर, ६ हजार स्वीस फ्रान्क र १० हजार ८ सय ७० थाई भाट फेला पारी पक्राउ प्रहरीले जनाएको छ ।

अवैध रकम फेला परेपछि प्रहरीले उनलाई थप अनुसन्धान तथा कारबाहीका लागि राजस्व अनुसन्धान विभाग, पुल्चोक पठाइदिएको छ ।

थप अनुसन्धान जारी छ ।