विजय बराल अभिनेता, उपासना अभिनेत्रीतर्फ सर्वोत्कृष्ट

प्रदीप खड्कालाई प्रोत्साहन पुरस्कार

बरालको मुख्य भूमिका रहेको यो फिल्मले कीर्तिमानी व्यापार गर्न सफल भएको थियो ।

अनलाइनखबर

२०८२ असार ३० गते १६:३९

News Summary

Generated by OK AI. Editorially reviewed.

राष्ट्रिय चलचित्र पुरस्कार २०८२ मा उत्कृष्ट अभिनेताको पुरस्कार विजय बरालले पूर्णबहादुरको सारंगी फिल्मबाट पाएका छन्।
उपासना सिंह ठकुरीले खुस्मा फिल्मबाट उत्कृष्ट अभिनेत्रीको पुरस्कार पाएकी छन्।

काठमाडौं । विजय बराल र उपासनासिंह ठकुरी क्रमशः उत्कृष्ट अभिनेता र उत्कृष्ट अभिनेत्री घोषित भएका छन् । बरालले सर्वकालिन ब्लकबस्टर फिल्म ‘पूर्णबहादुरको सारंगी’बाट उत्कृष्ट अभिनेता र ठकुरीले ‘खुस्मा’बाट सर्वोत्कृष्ट अभिनेत्रीको २०८२ सालको राष्ट्रिय चलचित्र पुरस्कार प्राप्त गरे ।

शीतल निवासमा सोमबार आयोजित समारोहमा राष्ट्रपति रामचन्द्र पौडेलले विजेताहरूलाई पुरस्कार प्रदान गरे । अवार्ड प्राप्त गरेपछि अनलाइनखबरसँग कुरा गर्दै विजय र उपासना दुवैले जितले आफूहरूलाई थप ऊर्जा प्रदान गरेको बताए ।

फिल्म ‘पुजार सार्की’बाट अभिनेता प्रदीप खड्काले प्रोत्साहन पुरस्कार प्राप्त गरे । अभिनेता समेत रहेका दीपकराज गिरीले ‘छक्कापञ्जा ५’बाट उत्कृष्ट पटकथा लेखकको अवार्ड जितेर सरप्राइज दिए ।

चलचित्र विकास बोर्डले आयोजना गरेको समारोहमा ९ विधामा राष्ट्रिय चलचित्र पुरस्कार प्रदान २०८२ प्रदान गरियो ।

तस्वीर : विकास श्रेष्ठ/अनलाइनखबर