News Summary
Generated by OK AI. Editorially reviewed.- सफ्टवारिका कलेज अफ आईटी एन्ड ई–कमर्सले ३२ असारदेखि ४ दिनसम्म प्रविधि उत्सव \'टेक एक्स : एलिभेट २०२५\' को तेस्रो संस्करण कलेज परिसरमा सञ्चालन गर्नेछ।
- प्रदर्शनीमा २० भन्दा बढी रोबोटिक्स र एआई–आधारित प्रोजेक्टहरू राखिने र २० भन्दा बढी स्टार्टअपले नवप्रवर्तन र व्यावसायिक मोडेल प्रस्तुत गर्नेछन्।
- २५ भन्दा बढी प्रतिष्ठित आईटी कम्पनीहरूको सहभागिता रहने रोजगार मेलामा विद्यार्थीले हजारौं रोजगारीका अवसरमा प्रत्यक्ष पहुँच पाउने अपेक्षा गरिएको छ।
काठमाडौं । सफ्टवारिका कलेज अफ आईटी एन्ड ई–कमर्सले प्रविधि उत्सव ‘टेक एक्स : एलिभेट २०२५’ को तेस्रो संस्करण ३२ असारदेखि सुरु गर्दैछ । ४ दिनसम्म चल्ने प्रविधि उत्सव कलेजकै परिसरमा सञ्चालन हुनेछ ।
आयोजकका अनुसार टेक एक्स : एलिभेट प्रविधिमा रुचि राख्ने विद्यार्थीहरूका लागि सिर्जनशीलता, नवप्रवर्तन र उद्यमशीलता अभिव्यक्तिको उत्कृष्ट प्ल्याटफर्मका रूपमा स्थापित हुँदै आएको छ । तेस्रो संस्करण अझ व्यापक, नवीन र प्रेरणादायी हुने विश्वास आयोजकको छ ।
प्रदर्शनीमा २० भन्दा बढी रोबोटिक्स र एआई–आधारित प्रोजेक्टहरू राखिने जनाइएको छ । कलेजका विद्यार्थी तथा पूर्व विद्यार्थीहरूद्वारा सञ्चालित २० भन्दा बढी स्टार्टअपले आफ्नो नवप्रवर्तन, विचार र व्यावसायिक मोडेल प्रस्तुत गर्नेछन् ।
२५ भन्दा बढी प्रतिष्ठित आईटी कम्पनीहरूको सहभागिता रहने दुई दिने रोजगार मेलासमेत हुने आयोजकले जनाएको छ । उक्त मेलामा सहभागी विद्यार्थीले हजारौं रोजगारीका अवसरमा प्रत्यक्ष पहुँच पाउने अपेक्षा गरिएको छ ।
कार्यक्रम स्नातकदेखि स्नातकोत्तर तहका विद्यार्थीहरूका लागि यो सुनौलो अवसरका रूपमा हेरिएको छ ।
यसमा भविष्यका टेक लिडरहरू, रोजगारी खोज्दै गरेका आईटी विद्यार्थीहरू, नवप्रवर्तनशील सोच भएका स्टार्टअप फाउन्डरहरू, लगानीकर्ता, मेन्टर र उद्यम सहयोगकर्ता, मिडिया, शिक्षक तथा इन्फ्लुएन्सरहरू सहभागी हुने आयोजकले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4