News Summary
Generated by OK AI. Editorially reviewed.- फिल्म ‘माग्ने राजा’को शीर्ष गीत सार्वजनिक भएको छ जसमा केदार घिमिरेले विभिन्न अवतारमा देखिएका छन्।
- गीतमा पैसाको लागि कसैलाई दुःख दिन नहुने र पढ्ने बेलामा राम्रोसँग पढ्नुपर्ने सन्देश दिइएको छ।
- फिल्म भदौ ६ गतेदेखि प्रदर्शन तयारीमा छ र पारिश्रमिक विवादले पनि चर्चा पाएको छ।
काठमाडौं । प्रदर्शन तयारीमा रहेको फिल्म ‘माग्ने राजा’को शीर्ष गीत सार्वजनिक भएको छ । गीतमा शीर्ष पात्रको रुपमा देखिएका केदार घिमिरेको थुप्रै ‘माग्ने राजा’ अवतार देखाइएको छ ।
‘म त सुतेर उठेको पैसामा’ बोलको गीतमा संगीत, शब्द र गायन बाबुल गिरीको छ । गम्भीर विष्टको नृत्य निर्देशन छ ।
सडकमा पोलेको मकै खाने, तरुनी घुमाउने, म्युजिक भिडियो खेल्ने, क्लब डिस्को जानेदेखि नासाको अन्तरीक्ष वैज्ञानिक बनेको जस्ता धेरै चरित्रमा उनलाई प्रस्तुत गरिएको छ ।
उनको साथमा विल्सनविक्रम राई पनि देखिएका छन् । गीतको अन्त्यमा पैसाको लागि कसैलाई दुःख दिन नहुने र पढ्ने बेलामा राम्रोसँग पढ्नुपर्ने सचेतना सन्देश पनि दिइएको छ ।
युट्युबमा सार्वजनिक गीत रमाइलो र सन्देशपरक देखिन्छ । दर्शकले पहिलोपटक केदारलाई भिन्न चरित्रमा देख्न पाउनेछन् । मधुसुधन शर्माको लगानी रहेको फिल्मलाई ऋषि लामिछानेले निर्देशन गरेका हुन् ।
पटकथा सामिप्य तिमल्सेनाको छ । भदौ ६ गतेदेखि प्रदर्शन तयारीमा रहेको यो फिल्म पारिश्रमिक विवादले समेत चर्चामा छ । निर्माताले ६१ लाख रुपैयाँ पारिश्रमिक दिएको बताएका थिए भने केदारले यो कुरालाई खण्डन गरिसकेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4