News Summary
Generated by OK AI. Editorially reviewed.- राष्ट्रियसभामा नेकपा एकीकृत समाजवादीका सांसद उदयबहादुर बोहराले भूमि व्यवस्था, सहकारी तथा गरिबी निवारणमन्त्री बलराम अधिकारीले राजीनामा दिनुपर्ने विषय उठाएका छन्।
- बोहराले कास्कीको पोखरास्थित १३४ रोपनी जग्गा हडप्न घुस लेनदेन गरेको अडियो सार्वजनिक भएको र तत्कालीन मन्त्री गुप्ताले राजीनामा दिएको बताए।
- उनले भूमिमन्त्री अधिकारीले राजीनामा नदिएको भन्दै तत्काल बर्खास्त गरी छानबिन गर्न सम्बन्धित निकायको ध्यानाकर्षण गर्न आग्रह गरे।
६ साउन, काठमाडौं । राष्ट्रियसभामा भूमि व्यवस्था, सहकारी तथा गरिबी निवारणमन्त्री बलराम अधिकारीले राजीनामा दिनुपर्ने विषय उठेको छ ।
मंगलबार सभाको बैठकमा बोल्दै नेकपा एकीकृत समाजवादीका सांसद उदयबहादुर बोहराले कास्कीको पोखरास्थित क्षेत्रको १३४ रोपनी जग्गा हडप्न घुस लेनदेन गरेको विषयमा अडियोहरू सार्वजनिक भएको बताए ।
यही विषयमा आरोपित तत्कालीन संघीय मामिला तथा सामान्य प्रशासनमन्त्री राजकुमार गुप्ताले राजीनामा दिएको तर, भूमिमन्त्री अधिकारीले राजीनामा नदिएको भन्दै उनले बर्खास्त गर्न माग गरे ।
सार्वजनिक अडियो तत्कालीनमन्त्री गुप्ताको भएको पुष्टि भएको र उक्त अडियोमा गुप्ताले अधिकारीमाथि समेत घुस लिएको आरोप लगाएको उनले बताए ।
अगाडि भनेका छन्, ‘…३२ लाखको घुस डिलको अडियो सार्वजनिक भएका र उनी सम्वद्ध कास्की जिल्ला पार्टी कार्यालयले कारबाहीका लागि सिफारिस गरेका भूमि व्यवस्था तथा सहकारी तथा गरिबी निवारणमन्त्रीको राजीनामा नआएकोले तत्काल बर्खास्त गरी उनलाई छानबिन गर्नका लागि सम्बन्धित निकायको ध्यानाकर्षण गर्दछु ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4