‘सैयारा’ नेटफ्ल्क्सिमा तिहारमा आउने

News Summary

Generated by OK AI. Editorially reviewed.

फिल्म 'सैयारा'ले पहिलो साता भारतीय बक्सअफिसमा १५५ करोड रुपैयाँ कमाइ गर्‍यो।
निर्माताले नेटफ्लिक्समा रिलिज मिति तिहारपछि सार्ने तयारी गरिरहेका छन्।
फिल्म हाल ८०० पर्दाबाट २००० पर्दामा प्रदर्शन भैरहेको छ।

काठमाडौं । ‘सैयारा’ले बक्स अफिसमा यतिविधि कमाउला भनेर कसैले सोचेकै थिएन । भैदियो ठीक उल्टो ।

सबैलाई चक्मा दिँदै अहान पाण्डे र अनीत पड्डा स्टारर फिल्मले पहिलो साता भारतीय बक्सअफिसमा १५५ करोड भाइ कमाइ गर्‍यो ।

मोहित सुरी निर्देशित फिल्मले यतिबेला भारत, नेपालसहित विश्वभर उछाल कमाइ गरिरहेको छ । फिल्म हलमा उत्कृष्ट कमाइ गरिरहँदा निर्माताले ओटीटी रिलिज मितिलाई केही पछि सार्दैछन् ।

सामान्यताः हलमा रिलिज भएको ८ सातापछि मात्र भारतीय फिल्म ओटीटीमा आउने गर्छन् । तर, हलमै राम्रो चलिरहेकाले निर्माता कम्पनी यशराज ब्यानरमा नेटफ्ल्क्सि रिलिज मितिलाई केही पर सार्ने पक्षमा रहेको टाइम्स अफ इण्डियाले जनाएको छ ।

स्रोतका अनुसार, निर्माताले फिल्मलाई नेटफ्ल्क्सिमा रिलिज गर्न ९० दिनको विन्डोको प्रतीक्षा गरिरहेका छन् । यो भनेको, आउँदो तिहार (दीपावली) अवसरमा फिल्म रिलिज गर्ने भन्ने हो ।

ओटीटीमा केही ढिला आउने भएपछि फिल्मले हलमै अझै राम्रो कमाइ गर्ने देखिन्छ । उच्च मागपछि अहिले पनि हलले शो संख्यामा वृद्धि गरिरहेका छन् । ८०० पर्दामा रिलिज भएको फिल्म अहिले २००० पर्दामा स्क्रिनिङ भैरहेको जनाइएको छ ।

यो फिल्मले हालै प्रदर्शनमा आएका ‘सिकन्दर’ र ‘हाउसफूल ५’ भन्दा पनि उत्कृष्ट कलेक्सन गरिरहेको छ ।