११ साउन, काठमाडौं । सर्वोच्च अदालतका मुख्य रजिष्ट्रार देवेन्द्रराज ढकाल अवकाश भएका छन् । पुस, २०८० मा सर्वोच्च अदालतका मुख्यरजिष्ट्रार बनेका उनी ५८ वर्षे उमेरहदबाट आईतबार अवकाश भएका हुन् ।
असार, २०७४ बाट सर्वोच्च अदालतमा मुख्यसचिव सरह मुख्यरजिष्ट्रार राख्ने अभ्यास भएकोमा पाँच जना मुख्यरजिष्ट्रारमध्ये ढकाल न्यायाधीश नभई अवकाश हुने पहिलो मुख्यरजिष्ट्रार हुन् ।
अब सर्वोच्च अदालतमा खाली भएको मुख्यरजिष्ट्रारमा मुख्य रुपमा दुई दावेदार छन् । सर्वोच्चका रजिष्ट्रारहरु विमल पौडेल र भद्रकाली पोखरेलमध्ये एक जनालाई न्यायसेवा आयोगले मुख्यरजिष्ट्रारमा सिफारिस गर्नेछ ।
सर्वोच्च अदालतको मुख्यरजिष्ट्रारमा न्यायसेवाको सरकारी वकिल, कानून समूह र न्याय प्रशासनका कर्मचारीहरु योग्य हुने भएपनि अहिलेसम्म एकपटक बाहेक न्याय प्रशासनकै कर्मचारीहरुलाई नियुक्त गर्ने अभ्यास चलेको छ ।
यसअघिका मुख्यरजिष्ट्रारहरु डा. नहकुल सुवेदी, राजनप्रसाद भट्टराई, नृपध्वज निरौला र लालबहादुर कुँवर न्यायाधीश भएर उच्च अदालतमा नियुक्त भएका थिए ।
मुख्यरजिष्ट्रारहरुमध्ये सुवेदी र निरौला सोझै उच्च अदालतको मुख्यन्यायाधीश भएका थिए भने भट्टराई र कुँवर न्यायाधीश भएर पछि मुख्यरजिष्ट्रार बनेका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4