यी हुन् बहादुरसिंह लामाको पक्ष-विपक्षमा देखिएका सांसद (नामावली)

News Summary

Generated by OK AI. Editorially reviewed.

बागमती प्रदेशमा नेपाली कांग्रेसको संसदीय दलको नेता बहादुरसिंह लामाले विश्वासको मत गुमाएका छन्।
अविश्वासको प्रस्तावको पक्षमा २२ सांसद र विपक्षमा १५ सांसद रहेका छन्।
मन्त्री श्याम खड्काले राजीनामा दिएर लामाको विपक्षमा उभिएका छन्।

१३ साउन, काठमाडौं । बागमती प्रदेशमा नेपाली कांग्रेसको संसदीय दलको नेता बहादुरसिंह लामाले विश्वासको मत गुमाएका छन् ।

उनीविरुद्ध परेको अविश्वासको प्रस्तावको पक्षमा बहुमत सांसद उभिएका छन् । लामाको पक्षमा १५ सांसद देखिएपछि उनले संसदीय दलको नेताको हैसियत गुमाएका हुन् । उनको विपक्षमा २२ सांसद देखिएका छन् । कूल ३७ सांसद रहेको कांग्रेसका बहुमत सदस्यले लामालाई संसदीय दलको नेताप्रति विश्वास नरहेको जनाएका हुन् ।

अविश्वासको प्रस्ताव दर्ता गर्ने २१ मा मंगलबार थप एकजना थपिएका हुन् । श्याम खड्काले मंगलबार मन्त्री पदबाट राजीनामा दिएर लामाको विपक्षमा देखिएका हुन् । लामाले संसद दलमा विश्वासको मत गुमाउँदा केन्द्रको छाया समेत देखिएको छ । केन्द्रीय नेता अनुसार सांसदहरू विभाजित भएका छन् ।

यो पनि पढ्नुहोस

बहादुरसिंह लामाले गुमाए संसदीय दल नेताको हैसियत

महामन्त्री गगन थापा पक्षधरले लामालाई संसदीय दलबाट हटाउने पक्षमा देखिएका छन् । महामन्त्री गगन थापा निकट चिनिएका पुकार महर्जन, प्रभात तामाङ, छिरिङ दोर्जे लामा, मीना पराजुली, याङकिला शेर्पा, सुरजचन्द्र लामिछाने, सुरेश श्रेष्ठ र श्रीराम लामिछाने संसदीय दलबाट लामा हटाउने पक्षमा देखिएका छन् ।

यो पनि पढ्नुहोस

मुख्यमन्त्री बन्न दलको नेता हुन पर्दैन, हटाउने आधार छैन : बहादुरसिंह लामा (भिडियो)

डा.शेखर कोइराला पक्षका रमेश महत र उत्तम जोशी अविश्वासको प्रस्तावको विपक्षमा देखिए ।

सभापति शेरबहादुर देउवातिरका सांसद दुवैतिर विभाजित छन् । नेता प्रकाशमान सिंह पक्षका सांसद पनि दुईतिर देखिएका छन् । सिंहनिकट प्रदेश सांसद कञ्चन वादे र दिपेन्द्र श्रेष्ठ संसदीय दलका नेता लामालाई हटाउन साथ दिए भने त्यही पक्षकी सांसद हरिप्रभा खड्गी अविश्वासको प्रस्तावको विपक्षमा देखिइन् ।

पार्टी प्रवक्ता डा. प्रकाशशरण महत पक्ष निकट श्याम खड्का अविश्वासको प्रस्तावको पक्षमा उभिएका छन् ।

पक्षमा उभिएका १५ सांसद :

१. बहादुरसिंह लामा तामाङ

२. कुन्दनराज काफ्ले

३. उत्तम जोशी

४. लक्ष्मी श्रेष्ठ

५. रमेशकुमार महत

६. हरिप्रभा खड्गी

७. रामकुमार पहाडी

८. क्षत्रबहादुर बम्जन

९. गिता गुरूङ

१०. मसिना खड्का