टम क्रुज र एना डे अर्मास लन्डनमा हात समाउँदै हिँडेको देखिए

News Summary

Generated by OK AI. Editorially reviewed.

हलिउड स्टार टम क्रुज र एना डे आर्मासले प्रेम सम्बन्धको हल्लालाई पुष्टि गर्दै हात समातेर सार्वजनिक रुपमा देखिएका छन्।
टम क्रुज र एना डे आर्मासले लन्डनको वेम्बली स्टेडियममा आयोजित ओएसिस कन्सर्टमा सहभागी भएर सँगै घुमघाम र सपिङ गरेका थिए।
टम क्रुजले २०१२ मा केटी होमेजसँग अलग भएपछि डेटिङ जीवनलाई गोप्य राख्दै आएका थिए, तर यसपटक हात समातेर हिँडेको दृश्यले औपचारिकता दिएको संकेत देखिन्छ।

लस एन्जलस । हलिउड स्टार टम क्रुज र एना डे आर्मासले प्रेम सम्बन्धको हल्लालाई पुष्टि गर्दैछन् जस्तो देखिन्छ । किनभने, सप्ताहन्तमा यी दुईजना एकसाथ बिदा मनाउन निस्किएका थिए ।

हात समातेर उनीहरू हिँडेका देखिन्थे । लन्डनको वेम्बली स्टेडियममा आयोजित ओएसिस कन्सर्टमा गएपछि टम र आना भर्मन्टबाट निस्किएका देखिन्थे । अहिले यो जोडीको सँगैको फोटो इन्टरनेटमा भाइरल छ ।

‘मिसन इम्पोसिबल’ स्टार र ‘ब्यालेरिना’ स्टारले यो सहरमा एकसाथ घुमघाम र सपिङ गरे । गाडी हाँक्दै नेसनल पार्क पुगे, सपिङ गरे अनि आइसक्रिमको लागि रोकिए ।

आइतबार वुडस्टकको रमणीय शहरमा टम र आना हात मिलाउँदै हिँडिरहेका थिए र मुस्कुराउँदै कम्मरमा बाँधिएका थिए । यो दृश्यलाई टम क्रुजले डेटिङलाई औपचारिकता दिएको संकेतको रुपमा हेरिएको छ ।

सन् २०१२ मा केटी होमेजसँग अलग भएपछि क्रुजले डेटिङ जीवनलाई गोप्य रुपमा राखिरहेका छन् । यसवर्षमा यी दुईको डेटिङको कुराले मिडियामा पनि स्थान पाए ।

उनीहरूलाई विश्वभर एकसाथ देखिएको छ । यसपटक भने फ्यानले पहिलोपटक हात समातेर हिँडेको देखेका हुन् ।