गुन्डागर्दीमा संलग्न सानुभाइसहित ३ जनाविरुद्ध ४ दिन म्याद थप

News Summary

Generated by OK AI. Editorially reviewed.

ठमेलको नगरकोट दोहोरी साँझमा झगडा गरेको आरोपमा पक्राउ परेका सानुभाइ भनिने युवराज गुरुङसहित तीन जनाविरुद्ध जिल्ला प्रशासन कार्यालय काठमाडौंबाट चार दिनको म्याद थप भएको छ।
बुधबार राति पक्राउ परेका तीन जनामाथि अभद्र व्यवहारको कसुरमा म्याद थप गरिएको हो।
सानुभाइ समूहले अर्को समूहसँग विवाद गरेपछि सञ्चालकले प्रहरीलाई खबर गरेका थिए र प्रहरी वृत्त सोह्रखुट्टेले तीन जनालाई पक्राउ गरेको थियो।

१५ साउन, काठमाडौं । ठमेलको नगरकोट दोहोरी साँझमा झगडा गरेको आरोपमा पक्राउ परेका तीन जनाविरुद्ध म्याद थप भएको छ ।

पक्राउ परेका सानुभाइ भनिने युवराज गुरुङसहित तीन जनाविरुद्ध जिल्ला प्रशासन कार्यालय काठमाडौंबाट चार दिनको म्याद थप भएको हो । बुधबार राति पक्राउ परेका गुरुङसहित तीन जनाविरुद्ध अभद्र व्यवहारको कसुरमा म्याद थप भएको हो ।

उक्त दोहोरी साँझमा दुई पक्षबीच विवाद भएको थियो । सानुभाइको समूहले अर्को समूहसँग विवाद गरेपछि सञ्चालकले प्रहरीलाई खबर गरेको थियो ।

त्यसपछि सानुभाइ र अर्को पक्षका दुई जना गरी तीन जनालाई प्रहरी वृत्त सोह्रखुट्टेले पक्राउ गरेको थियो ।

अहिले पक्राउ परेका सानुभाइ यसअघि पटक-पटक पक्राउ पर्दै आएका व्यक्ति हुन् । नुवाकोट घर भएका उनी ठमेल र गोंगबु क्षेत्रलाई आधार बनाएर गुन्डागर्दी गर्दै आएको प्रहरीले बताएको छ ।