‘सुख दुःख’ मा मदनकृष्ण श्रेष्ठ अनुबन्धित

News Summary

Generated by OK AI. Editorially reviewed.

अभिनेत्री नीता ढुङ्गानाको डेब्यु निर्देशन रहने फिल्म 'सुख दुःख'मा मदनकृष्ण श्रेष्ठलाई शीर्ष भूमिकाका लागि अनुबन्धित गरिएको छ।
निर्माताले शुक्रवार श्रेष्ठलाई महत्वपूर्ण भूमिका दिन अनुबन्धित गरेका थिए र उनले कथाले मन परेकाले अभिनय गर्न राजी भएको बताए।
फिल्ममा अभिनेत्री मिथिला शर्मा पनि जोडिएकी छन् र आगामी वर्ष दसैंको फूलपातीमा प्रदर्शन गर्ने योजना छ।

काठमाडौं । अभिनेत्री नीता ढुङ्गानाको डेब्यु निर्देशन रहने फिल्म ‘सुख दुःख’ को शीर्ष भूमिकामा मदनकृष्ण श्रेष्ठ अनुबन्धित भएका छन् ।

उनलाई शुक्रबार निर्माताले महत्वपूर्ण भुमिकाको लागि अनुबन्धित गरे । अनुबन्धित भएपछि श्रेष्ठले आफुलाई फिल्मको कथा मन परेकाले अभिनय गर्न राजी भएको बताए ।

कलाकार श्रेष्ठलाई अनुबन्धित गरेपछि नीता उत्साहित देखिइन् । उनले भनिन्, ‘स्क्रिप्ट सुनाउँदा उहाँ भावुक हुनुभयो । स्क्रिप्ट मनपराएपछि अभिनय गर्नका लागि उत्साहित देखिनुभयो ।’

आइतबार अभिनेत्री मिथिला शर्मा जोडिएकी छन् । मदन र मिथिलाबाहेक अन्य कलाकार को को हुने भन्ने खुलाइएको छैन ।

यसअघि यो फिल्मको छायांकनका लागि भारतीय छायाँकार कवीरलाल र शाहिदलाल अनुबन्धित छन् ।

‘नीता फिल्म्स’को ब्यानरमा बन्न लागेको यो फिल्म आगामी वर्ष दसैंको फूलपातीका अवसरमा प्रदर्शनमा ल्याउने योजना छ ।