‘सिने सर्कल अवार्ड’ भदौ २६ मा हुने

News Summary

Generated by OK AI. Editorially reviewed.

सिनेमा सर्कलले भदौ २६ गते उपराष्ट्रपतिको प्रमुख आतिथ्यतामा सिने सर्कल अवार्ड २०८२ आयोजना गर्ने भएको छ।
यसवर्ष २५ विधामा अवार्ड प्रदान गरिने र पर्दापछाडि योगदान दिने दुई जनालाई ५१,००० रुपैयाँसहित दीर्घ साधना सम्मान दिइनेछ।
२०७३ सालदेखि निरन्तर हुँदै आएको कार्यक्रममा बलिउड, हलिउड र जापानी कलाकारको सहभागिता भइसकेको छ।

काठमाडौं । नेपाली फिल्म क्षेत्रमा सक्रिय सर्जकलाई हौसला प्रदान गर्ने उद्देश्यले सिनेमा सर्कलको आयोजनामा ‘सिने सर्कल अवार्ड २०८२’ हुने भएको छ ।

भदौ २६ गते समारोह आयोजना हुने जनाइएको छ । यो अवार्ड उपराष्ट्रपतिको प्रमुख आतिथ्यतामा आयोजना हुँदै आइरहेको छ ।

सिने सर्कल नेपालका संरक्षक तथा चौधरी समूहका प्रबन्ध निर्देशक वरुण चौधरीको संरक्षणमा कार्यक्रम सञ्चालन हुँदै आएको छ ।

यसवर्ष २५ विधामा अवार्ड प्रदान गर्ने तयारी छ । पर्दा पछाडि समर्पित भएर योगदान दिनेलाई दीर्घ साधना सम्मान’ प्रदान गरिने भएको छ ।

यो सम्मानअन्तर्गत यसवर्ष पनि २ जनालाई ५१,००० रुपैयाँ नगदसहित सम्मान गरिने जनाइएको छ ।

२०७३ सालमा आयोजित पहिलो संस्करणमा बलिउड सुपरस्टार तथा भारतीय सांसद शत्रुघन सिन्हा, दोस्रो संस्करणमा ‘माइतीघर’ फिल्मका कलाकार माला सिन्हा र सीपी लोहनी, तेस्रो संस्करणमा अभिनेता गोविन्दाको सहभागिता थियो ।

हलिउड अभिनेता डिगर मेस, जापानी निर्देशक मात्सु वयासी, ‘क्याराभान’ निर्देशक एरिक भाली पनि सहभागी थिए ।

निजी क्षेत्रबाट निरन्तरता दिँदै आएको कार्यक्रमले नेपाली फिल्मकर्मीलाई सम्मान गर्दै भविष्यमा उत्कृष्ट सिर्जन ागर्न प्रेरणा दिने विश्वास लिएको आयोजकले लिएको छ ।