सिक्किमका प्रतिस्पर्धीलाई ‘भ्वाइस किड्स’मा जिताउन मुख्यमन्त्रीको आग्रह

News Summary

Generated by OK AI. Editorially reviewed.

सिक्किमका मुख्यमन्त्री प्रेम तामाङले 'भ्वाइस किड्स' सिजन ४ का फाइनलिस्ट आयन राईलाई जिताउन सामाजिक संजालमार्फत आग्रह गर्नुभयो।
मुख्यमन्त्री तामाङले आयनका पिता मणिकुमार राईलाई भेटेर उनको प्रयासलाई समर्थन गर्दै हार्दिक शुभकामना व्यक्त गर्नुभयो।
उहाँले सबैमा आग्रह गर्नुभयो कि आयन राईलाई फिनालेमा भोट गरी विजय सुनिश्चित गरौं, फिनाले आउँदो शनिबार हुँदैछ।

काठमाडौं । सिक्किमका मुख्यमन्त्री प्रेम तामाङले ‘भ्वाइस किड्स’ सिजन ४ का फाइनलिस्ट आयन राईलाई जिताउन आग्रह गरेका छन् ।

सामाजिक संजालमार्फत शुभकामना दिँदै उनले फिनालेमा विजयी गराउन आग्रह गरेका हुन् । आयनलाई जिताउन आफ्नो साथ हुने मुख्यमन्त्री तामाङले जनाएका छन् ।

मुख्यमन्त्रीलाई भेट्न आयनका बुवा मणिकुमार राई पुगेका थिए । त्यसपछि उनीसँगको फोटो सेयर गर्दै मुख्यमन्त्रीले आयनलाई समर्थन गर्ने घोषणा गरेका हुन् ।

मुख्यमन्त्री तामाङले लेखेका छन्, ‘आज मैले आयन राईका पिता मणिकुमार राईलाई भेटेँ । उनका छोरा आयनले ‘द भ्वाइस किड्स नेपाल’को फिनालेमा पुगेर हामी सबैलाई गर्व गर्न योग्य बनाएका छन् । मैले उनको प्रयासलाई समर्थन गर्दै भविष्यको सांगीतिक यात्राका लागि हार्दिक शुभकामना व्यक्त गरेँ । उनले निरन्तर सफलता हासिल गर्दै आफ्नो प्रतिभाबाट धेरैलाई प्रेरणा मिलोस् भन्ने कामना गर्दछु ।’

उनी लेख्छन्, ‘म सबैमा आग्रह गर्दछु कि आयन राईलाई फिनालेमा भोट गरौं र उनको विजय सुनिश्चित गरौं ।’ आर्यनले कोच मिलन नेवारको समूहबाट भ्वाइस किड्सको चौंथो सिजनमा प्रतिस्पर्धा गरिरहेका छन् ।

फिनाले आउँदो शनिबार हुँदैछ ।