विशेष परीक्षामा ऐतिहासिक सफलता : ९१.८२ प्रतिशत चिकित्सक उत्तीर्ण

News Summary

Generated by OK AI. Editorially reviewed.

नेपाल मेडिकल काउन्सिलले १५ र १६ साउनमा लिएको चिकित्सकको विशेष परीक्षामा ९१.८२ प्रतिशतले उत्तीर्ण भएका छन्।
परीक्षामा कुल एक हजार ७९ जनाले फारम भरेका थिए, जसमध्ये एक हजार ७६ जना सहभागी भएका थिए।
परीक्षा पुल्चोकस्थित नेपाल इन्जिनियरिङ अध्ययन संस्थानमा सञ्चालन गरिएको थियो र नतिजा सम्भवत ऐतिहासिक रेकर्ड कायम गरेको छ।

१९ साउन, काठमाडौं । चिकित्सकको विशेष परीक्षा (स्पेशल एक्जाम)मा ९१.८२ प्रतिशत उत्तीर्ण भएका छन् । नेपाल मेडिकल काउन्सिलले गत १५ र १६ साउनमा परीक्षा लिएको थियो ।

काउन्सिलका अधिकारीका अनुसार उक्त नतिजाले सम्भवत ऐतिहासिक रेकर्ड कायम गरेको छ । काउन्सिल रजिष्ट्रार डा.सतिशकुमार देवका अनुसार यसपटकको परीक्षाका लागि कुल एक हजार ७९ जनाले फारम भएका थिए ।

त्यसमध्ये एक हजार ७६ जना सहभागी भए । जसमध्ये ९८८ जना अर्थात ९१.८२ जना उर्तीण भएका छन् । ८८ जना अनुउतीर्ण भए । ४ जनाको नतिजा भने वीथहोल्डमा राखिएको छ ।

यसपटक परीक्षामा कुल ३६ विषयका विद्यार्थीले सहभागिता जनाएका थिए । रजिष्ट्रार डा. देवले अधिंकाश फ्रेस विद्यार्थी भएका नतिजा राम्रो आएको हुनसक्ने बताए ।

परीक्षा पुल्चोकस्थित नेपाल इन्जिनियरिङ अध्ययन संस्थानमा सञ्चालन गरिएको थियो ।