२०८२ साउन २१ गते १२:४१ 
News Summary
Generated by OK AI. Editorially reviewed.- नेपाल प्रिमियर लिग २०२५ को अक्सनका लागि सार्वजनिक अन्तिम सूचीमा ८ खेलाडीहरू ए क्याटेगोरीमा समावेश भएका छन्।
- ए क्याटेगोरीमा आदिल आलम, देव खनाल, पवन सर्राफ, शरद भेषावकर, सुनाम गौतम, दिलिप नाथ, अर्जुन साउद र सूर्य तामाङ छन्।
- एनपीएलको मिनी अक्सन यही शनिबार हुँदैछ र ए क्याटेगोरीका खेलाडीको मूल्य १५ लाख तोकिएको छ।
२१ साउन, काठमाडौं । नेपाल प्रिमियर लिग (एनपीएल) २०२५ को अक्सनका लागि सार्वजनिक भएको अन्तिम सूचीमा ८ खेलाडीहरू ए क्याटेगोरीमा समावेश भएका छन् ।
बुधबार सार्वजनिक गरिएको अक्सनको अन्तिम नामावलीमा युवा आदिल आलम र भेट्रान शरद भेषावकरसहित ८ खेलाडीहरू ‘ए क्याटेगोरी’मा छन् ।
‘ए क्याटेगोरी’मा आदिल आलम, देव खनाल, पवन सर्राफ, शरद भेषावकर, सुनाम गौतम, दिलिप नाथ, अर्जुन साउद र सूर्य तामाङ छन् ।
आदिल पहिलोपटक एनपीएलको अक्सनमा समावेश भएका हुन् भने पवन सर्राफ गत सिजन चल्दा चोटका कारण अक्सनमै समावेश थिएनन् ।
अस्ट्रेलिया बस्दै आएका सुनाम गौतम गत सिजन पोखराको टिममा थिए तर चोटका कारण खेल्न पाएनन् । त्यस्तै शरद भेषावकर चितवन राइनोजको टोलीबाट पहिलो सिजन खेलेका थिए ।
सूर्य तामाङ र अर्जुन साउद पहिलो सिजन लुम्बिनी लायन्समा थिए भने देव खनाल कर्णाली याक्स र दिलिप नाथ पोखरा एभेन्जर्समा थिए ।
एनपीएलको ए क्याटेगोरीका खेलाडीको मूल्य १५ लाख रहेको छ भने बी क्याटेगोरीका खेलाडीको मूल्य १० लाख र सी क्याटेगोरीका खेलाडीको मूल्य ५ लाख छ ।
एनपीएलको मिनी अक्सन यही शनिबार हुँदैछ ।
प्रतिक्रिया 4