अस्ट्रेलियामा ‘दिदीबहिनी तीज’ हुने

News Summary

Generated by OK AI. Editorially reviewed.

अष्ट्रेलियामा चाडबाडको अवसरमा दिदीबहिनी इभेन्ट्सले ३५ वटा 'दिदीबहिनी तीज' कार्यक्रम आयोजना गर्ने भएको छ।
सिड्नीको इन्द्रेणी फङ्सन सेन्टरमा अगस्ट १६ मा विशेष प्रस्तुति हुने आयोजक बिन्दु पौडेलले बताउनुभयो।
कार्यक्रममा रामजी खाँण, शान्तारानी परियार लगायत कलाकार सहभागी हुने र भिसा प्रक्रियामा इडियू कनेक्स कन्सल्टेन्सीले सहयोग गरेको छ।

सिड्नी । चाडबाड आउन थालेपछि अष्ट्रेलियामा सांगीतिक कार्यक्रम पनि धमाधम आयोजना हुन थालेका छन् ।

यसबीच, लामो समयदेखि विभिन्न कार्यक्रम गर्दै आएको दिदीबहिनी इभेन्ट्सले ‘दिदीबहिनी तीज’ नामक कार्यक्रम गर्ने भएको छ ।

आयोजक तथा गायिका बिन्दु पौडेलका अनुसार ‘दिदीबहिनी तीज’को अष्ट्रेलियाभर ३५ शो संचालन हुने भएको छ ।

‘यसपटक यो कार्यक्रम निकै भव्य र सभ्य गर्न हामीले कुनै कसर बाँकी राखेका छैनौं । कार्यक्रममा पनि दर्शकको सहभागिता भब्य हुने बिश्वास हामीले लिएका छौं’ सिड्नीको कार्यक्रमको प्रमुख प्रायोजक फिन कनेक्स फाइनान्सियलका विष्णु अर्यालले भने ।

अष्ट्रेलियाका विभिन्न सहरसँगै कार्यक्रमको विशेष प्रस्तुति भने अगस्ट १६ मा सिड्नीको रगडेलमा रहेको इन्द्रेणी फङ्सन सेन्टरमा आयोजना जनाइएको छ ।

कार्यक्रममा सहभागि हुन रामजी खाँण, शान्तारानी परियार, सम्झना भण्डारी, सम्झना लामिछाने मगर, श्याम राना, लक्ष्मी मल्ल, श्रीकृष्ण बम मल्ल, पार्वती जिसी र चोलेन्द्र पौडेल लगाउत आउनेछन् ।

कलाकारको भिसा प्रक्रियामा इडियू कनेक्स कन्सल्टेन्सी एण्ड माइग्रेसन सघाएको हो ।