बुटवल पावर कम्पनीको प्रतिसेयर आम्दानी ६ रुपैयाँ ६३ पैसा

News Summary

Generated by OK AI. Editorially reviewed.

बुटवल पावर कम्पनीको गत आर्थिक वर्षको नाफा १६ प्रतिशत बढेर २२ करोड ६१ लाख रुपैयाँ पुगेको छ।
कम्पनीको विद्युत् बिक्री आम्दानी ७३ करोड ३७ लाख रुपैयाँ पुगेको छ जुन अघिल्लो वर्षको भन्दा बढि हो।
प्रतिसेयर आम्दानी ६.६३ रुपैयाँ र बजार मूल्य ८५१ रुपैयाँ पुगेको छ भने मूल्य आम्दानी अनुपात १४४ गुणा रहेको छ।

२९ साउन, काठमाडौं । बुटवल पावर कम्पनीको नाफा १६ प्रतिशत बढेको छ ।

कम्पनीले सार्वजनिक गरेको गत आर्थिक वर्षको चौथो त्रैमासिक वित्तीय विवरण अनुसार गत आर्थिक वर्ष २२ करोड ६१ लाख रुपैयाँ खुद नाफा कमाएको छ । अघिल्लो आर्थिक वर्ष यस्तो नाफा १८ करोड ४४ लाख रुपैयाँ थियो ।

कम्पनीको विद्युत् बिक्री आम्दानी सामान्य बढेको छ । अघिल्लो आर्थिक वर्षमा यस्तो आम्दानी ६९ करोड ३६ लाख रुपैयाँ रहेकोमा गत आर्थिक वर्ष ७३ करोड ३७ लाख रुपैयाँ छ । विद्युत् बिक्री आम्दानीमा आएको सामान्य वृद्धिले नै नाफालाई योगदान गरेको छ ।

कम्पनीको प्रतिसेयर आम्दानी ६.६३ रुपैयाँ छ । यस्तो आम्दानी अघिल्लो आर्थिक वर्ष ५.६९ रुपैयाँ थियो ।

प्रतिसेयर नेटवर्थ २०८ रुपैयाँ रहेको यसको बजारमा सेयर मूल्य उचालिएर ८५१ रुपैयाँ पुगेको छ । मूल्य आम्दानी अनुपात १४४ गुणा रहेकाले कम्पनीको आम्दानी आधारमा हालको सेयर मूल्य महँगो हो ।