२०८२ साउन ३० गते १३:३२ 
News Summary
Generated by OK AI. Editorially reviewed.- इंग्लिस प्रिमियर लिग र स्पेनिस ला लिगा फुटबलको नयाँ सिजन ३० साउनदेखि सुरु हुँदैछ ।
- प्रिमियर लिगको पहिलो खेलमा साविक विजेता लिभरपुल र एएफसी बर्नमाउथबीच प्रतिस्पर्धा हुँदैछ ।
- ला लिगाको पहिलो खेलमा गिरोना र रायो भालेकानोबीच प्रतिस्पर्धा हुनेछ ।
३० साउन, काठमाडौं । इंग्लिस प्रिमियर लिग र स्पेनिस ला लिगा फुटबलको नयाँ सिजन आजदेखि सुरु हुँदैछ ।
प्रिमियर लिग २०२५-२६ सिजनको पहिलो खेलमा साविक विजेता लिभरपुल र एएफसी बर्नमाउथबीच प्रतिस्पर्धा हुँदैछ । यो खेल लिभरपुलको घरेलु मैदान एनफिल्डमा नेपाली समय अनुसार मध्यराती १२:४५ बजे सुरु हुनेछ ।
गत सिजन उपविजेता बनेको आर्सनलले म्यान्चेस्टर युनाइटेडसँग आइतबार खेल्नेछ भने त्यसअघि शनिबार ५ खेल हुनेछन् ।
त्यस्तै ला लिगाको पहिलो खेलमा आज बेलुकी गिरोना र रायो भालेकानोबीच प्रतिस्पर्धा हुनेछ । खेल राती १०:४५ बजे सुरु हुनेछ ।
ला लिगाको गत सिजनको च्याम्पियन बार्सिलोनाले शनिबार राति मालोर्कासँग खेलेर नयाँ सिजनको सुरुवात गर्नेछ ।
प्रतिक्रिया 4