हिम स्टार ऊर्जा कम्पनीको सेयर डिम्याट खातामै रोक्का

News Summary

Generated by OK AI. Editorially reviewed.

हिम स्टार ऊर्जा कम्पनीको आईपीओ निष्कासन गरी डिम्याट खातामा पठाइएको सेयर प्राविधिक त्रुटिका कारण रोक्का गरिएको छ।
सीडीएस एण्ड क्लियरिङ कम्पनीले सेयर रजिस्ट्रार एनआईसी एसिया क्यापिटलबाट प्राविधिक त्रुटि देखिएको र समयावधिसम्म धितोपत्र रोक्का राखिएको स्पष्ट पारेको छ।
कम्पनीको आईपीओ असार ३२ गते सर्वसाधारणलाई बाँडफाँट गरिएको थियो र ७७ हजार ३९७ जनाले सेयर पाएका थिए।

२ भदौ, काठमाडौं । हालै आईपीओ निष्कासन गरी डिम्याट खातामा पठाइएको हिम स्टार ऊर्जा कम्पनीको सेयर खातामै रोक्का गरिएको छ ।

सोमबार नै सो सेयर डिम्याट खातामा पठाइएकोमा प्राविधिक त्रुटि देखिएकाले रोक्का गरिएको सीडीएस एण्ड क्लियरिङ कम्पनीले स्पष्ट पारेको छ ।

‘सेयर रजिस्ट्रार तथा हस्तान्तरण प्रतिनिधि एनआईसी एसिया क्यापिटलबाट प्राविधिक त्रुटि हुन गएको देखिएकाले उक्त त्रुटि सच्याउने समयावधिसम्म सम्पूर्ण धितोपत्र रोक्का राखिएको छ’ सीडीएससीले विज्ञप्तिमार्फत भनेको छ । यद्यपि हिम स्टारको सेयर दोस्रो बजारमा सूचीकृत भइसकेको छैन ।

यसअघि असार ३२ गते कम्पनीको आईपीओ सर्वसाधारणलाई बाँडफाँट गरिएको थियो । ७७ हजार ३९७ जनाले सेयर पाएका थिए ।