४ भदाै, विराटनगर । मोरङको लेटाङमा बजारबाट घर फर्कँदै गरेका दुई जनालाई चिसाङ खोलाले बगाएको छ ।
बुधबार साँझ लेटाङ नगरपालिका–१ अमलबोटेका अन्दाजी ७५ वर्षीय बुद्धवीर तामाङ र लेटाङ–२ किराँत चोकका ५० वर्षीय च्याङ्बा भनिने टिंके घिसिङलाई खोलाले बगाएको हो ।
लेटाङ बजारबाट घरतर्फ फर्किने क्रममा लेटाङ–६ लामिटारस्थित बगुवा भन्ने ठाउँबाट साँझ साढे ५ बजे खाेलाले उनीहरूलाई बगाएको थियो ।
मोरङ प्रहरीका डीएसपी हस्तबहादुर सुनुवारका अनुसार करिब ८ सय मिटर बगाएको अवस्थामा बुद्धवीरको शव फेला परेको थियो । घिसिङको शव भने करिब ९ सय मिटर तल खोलाको बीच भागमा फेला परेको थियो ।
प्रहरीका अनुसार उनीहरू खोलामा सँगै तर्दै थिए । बहाव सामान्य बढेको खोलाले दुवैलाई बगाएको थियो ।
मृतककाे शव पाेस्टमार्टमका लागि वीपी काेइराला स्वास्थ्य विज्ञान प्रतिष्ठान धरान पठाइएकाे प्रहरीले बताएकाे छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4