समाजवादी बाटोमा अघि बढ्ने एजेण्डाका गीत बन्नुपर्छ : भुसाल

News Summary

Generated by OK AI. Editorially reviewed.

नेकपा (माओवादी केन्द्र) की उपाध्यक्ष पम्फा भुसालले थप अधिकारका निम्ति समाजवादी बाटोमा अघि जाने एजेण्डामा गीत रचना हुनुपर्ने बताइन्।
भुसालले तिज अहिले एउटा पर्वको रुपमा रहेको र परिवर्तनबाट प्राप्त कुराहरू आम जनतासम्म पुर्‍याउनुपर्ने उल्लेख गरिन्।
उनले निरंकुश राजतन्त्र र समावेशी लोकतान्त्रिक गणतन्त्रमा पाएको मौलिक तथा नागरिक अधिकारबारे आम जनतालाई स्पष्ट पार्नुपर्ने बताइन्।

८ भदौ, काठमाडौं । नेकपा (माओवादी केन्द्र) की उपाध्यक्ष पम्फा भुसालले थप अधिकारका निम्ति समाजवादी बाटोमा अघि जाने एजेण्डामा गीत रचना हुनुपर्ने बताएकी छिन् ।

आइतबार काठमाडौंमा आयोजित एक कार्यक्रमलाई सम्बोधन गर्दै उनले अहिले तिज एउटा पर्वको रुपमा रहेको बताइन् ।

परिवर्तनको उपभोग गर्ने, परिवर्तनबाट प्राप्त गरेका कुराहरुलाई आम मासमा लैजाने, आम विद्यार्थीमा पुर्‍याउने र थप अधिकारका निम्ति समाजवादी बाटोमा बढाउने गरी प्रचार गर्नुपर्ने जरुरी रहेको भुसालको भनाइ थियो ।

‘तिज अहिले एउटा पर्वको रुपमा छ । परिवर्तनको उपभोग गर्ने, परिवर्तनबाट प्राप्त गरेका कुराहरूलाई आम मासमा लैजाने, आम विद्यार्थीमा पुर्‍याउने र थप अधिकारका निम्ति समाजवादी बाटोमा अघि जाने अहिलेको एजेण्डामा गीत रचना हुनुपर्छ,’ भुसालले भनिन् ।

निरंकुश राजतन्त्र कस्तो थियो र समावेशी लोकतान्त्रिक गणतन्त्रमा हामीले के पायौं ? के मौलिक अधिकार, के नागरिक अधिकारी पायौं ? भन्नेबारेमा आम जनतालाई स्पष्ट पार्नुपर्ने पनि उनले बताइन् ।

‘निरंकुश राजतन्त्र कस्तो थियो र समावेशी लोकतान्त्रिक गणतन्त्रमा हामीले के पायौँ ? के मौलिक अधिकार, के नागरिक अधिकार पायौं । त्यो बारेमा स्पष्ट बुझाउनुपर्छ,’ उनले भनिन् ।