निजी विद्यालयहरूले केयूसँगको सम्झौता भंग गर्ने

News Summary

Generated by OK AI. Editorially reviewed.

निजी विद्यालय सञ्चालकहरूले काठमाडौं विश्वविद्यालयसँगको सम्झौता भंग गर्ने निर्णय गरेका छन्।
संयुक्त आन्दोलन परिचालन समितिले केयू डीन प्रा.डा. बालचन्द्र लुइँटेलको अभिव्यक्तिलाई लिएर सम्झौता भंग गर्ने विज्ञप्ति निकालेको छ।
निजी विद्यालय सञ्चालकहरूले विद्यालय शिक्षा विधेयकमा असन्तुष्टि जनाउँदै गैरनाफामूलक बनाउने र छात्रवृत्ति दिन नसक्ने विषयमा आन्दोलित भएका छन्।

११ भदौ, काठमाडौं । निजी विद्यालय सञ्चालकहरूले काठमाडौं विश्वविद्यालयसँगको सम्झौता भंग गर्ने भएका छन् ।

संयुक्त आन्दोलन परिचालन समितिले विज्ञप्ति निकालेर केयूसँगको सम्झौता भंग गर्ने जनाएको हो ।

केयूको स्कुल अफ एजुकेसनका डीन प्रा.डा. बालचन्द्र लुइँटेलले व्यक्त गरिएको अभिव्यक्तिलाई लिएर प्याब्सन, एनप्याब्सन, हिसान र अपेनले संयुक्त विज्ञप्ति निकालेर सम्झौता भंग गर्न विद्यालयहरूलाई भनेका छन् ।

लुइँटेलले निजी विद्यालयहरूलाई निजी विद्यालय मुनाफामुखी र शिक्षा विगार्ने तत्वको रूपमा चित्रण गर्ने प्रयास गरेको निजी विद्यालय सञ्चालकहरूको आरोप छ ।

विद्यालय शिक्षा विधेयकमा असन्तुष्टि जनाउँदै निजी विद्यालय सञ्चालकहरू आन्दोलित छन् । निजी विद्यालयलाई क्रमशः गैरनाफामूलक बनाउने र पूर्ण छात्रवृत्ति दिन नसक्ने भन्दै आन्दोलित भएका हुन् ।