२०८२ भदौ ११ गते २०:४७ 
News Summary
Generated by OK AI. Editorially reviewed.- नेपालको सिनियर पुरुष क्रिकेट टोलीले ११ भदौ विहान पौने ६ बजे र पौने १० बजे साउथ अस्ट्रेलियासँग दुई अभ्यास टी-२० खेल खेल्नेछ।
- नेपाल 'ए' टोलीले ११ भदौ विहान ११ बजे भारतको गुवाहाटीमा आसाम क्रिकेट टोलीसँग पाँच खेलको टी-२० शृंखलाको पहिलो खेल खेल्नेछ।
- नेपालले मंगलबार अस्ट्रेलियन क्यापिटल टेरिटोरीलाई हराएको थियो र बिहीबार तीन खेलहरू एकैदिन खेल्दै छ।
११ भदौ, काठमाडौं । नेपाली क्रिकेटका दुई फरक पुरुष टोलीले बिहीबार एकैदिन तीन खेलहरू खेल्दै छन् ।
नेपालको सिनियर पुरुष क्रिकेट टोलीले साउथ अस्ट्रेलियासँग अभ्यास टी-२० तथा नेपाल ए ले आसाम क्रिकेट टोलीसँग टी-२० खेल्न लागेका हुन् ।
नेपालको सिनियर टोलीले साउथ अस्ट्रेलियासँग दुई टी-२० खेल्नेछ । पहिलो खेल विहान सवा ५ बजे सुरु हुनेछ भने दोस्रो खेल विहान सवा ९ बजेका लागि तय छ ।
यसअघि मंगलबार भएको दुई अभ्यास खेलमा नेपालले अस्ट्रेलियन क्यापिटल टेरिटोरीलाई हराएको थियो ।
यता नेपाल ‘ए’ ले आसामसँगको पाँच खेलको टी-२० शृंखला अन्तर्गत पहिलो टी-२० पनि बिहीबार नै खेल्दैछ ।
अनिल शाहको कप्तानीमा भारतको गुवाहाटीमा रहेको नेपाल ‘ए’ र आसामबीचको पहिलो खेल बिहीबार विहान ११ बजे एसीए ट्रेनिङ ग्राउण्डमा हुनेछ ।
बिहीबारका खेलहरू :
नेपाल भर्सेस् साउथ अस्ट्रेलिया (अभ्यास टी-२०) : विहान ५:१५ बजेदेखि
नेपाल भर्सेस् साउथ अस्ट्रेलिया (अभ्यास टी-२०) : विहान ९:१५ बजेदेखि
नेपाल ‘ए’ भर्सेस् आसाम (पहिलो टी-२०) : विहान ११ बजेदेखि
प्रतिक्रिया 4