चैत ६ र ७ मा पहिलो महाधिवेशन गर्दै लोसपा

News Summary

Generated by OK AI. Editorially reviewed.

लोकतान्त्रिक समाजवादी पार्टीले चैत ६ र ७ गते पहिलो महाधिवेशन गर्ने निर्णय गरेको छ।
लोसपाको शीर्ष नेताको बैठकले तराई–मधेशका किसानलाई क्षतिपूर्तिको प्याकेज घोषणा गर्न सरकारलाई माग गरेको छ।
लोसपाले तराई–मधेशमा बढ्दो लुटपाट, चोरी–डकैती र हत्या घटनामा सरकारको सुरक्षा प्रत्याभूति गर्न ध्यानाकर्षण गराएको छ।

१३ भदौ, काठमाडौं । महन्थ ठाकुर नेतृत्वको लोकतान्त्रिक समाजवादी पार्टी (लोसपा) ले आगामी चैतको ६ र ७ गते पहिलो महाधिवेशन गर्ने निर्णय गरेको छ ।

पार्टी अध्यक्ष ठाकुरले शीर्ष नेताको बैठकले गरेको निर्णय अनुसार महाधिवेशनको मिति सार्वजनिक गरेका हुन् । लोसपाको शीर्ष नेताको विस्तारित बैठक भाद्र ८ र ९ गते काठमाडौंमा बसेको थियो । २०७८ भदौमा गठन भएको लोसपाले यस वर्षभित्र महाधिवेशन गर्नुपर्दछ ।

लोसपा बैठकले तराई–मधेशका जिल्लामा खडेरीले प्रभावित गरेको हुँदा किसानलाई क्षतिपूर्तिको प्याकेज घोषणा गर्न संघीय तथा प्रादेशिक सरकार माग गरेको छ । तराई–मधेशका जिल्लाहरुको पानीको सतह दिन–प्रतिदिन तल जाँदै गरेको उल्लेख गर्दै दीर्घकालीन चुरे संरक्षणलाई तीन तहकै सरकारले प्राथमिकतामा राख्न ध्यानाकर्षण गराइएको छ ।

तराई-मधेशका जिल्लामा लुटपाट, चोरी–डकैती र हत्याको घटनाहरु दिन–प्रतिदिन बढ्दै गएको सूरक्षा प्रत्याभूति गर्न सरकारको ध्यानाकर्षण गरिएको छ ।