१३ भदौ, काठमाडौं । सामाजिक सञ्जालमा नक्कली आईडी बनाउँदै ठगी गरेको आरोपमा एक जना पक्राउ परेका छन् ।
ठगीमा संलग्न रहेको अभियोगमा काठमाडौं कपन बस्ने काभ्रेपलाञ्चोक भुम्लु गाउँपालिका–८ घर भएका २७ वर्षीय रवि लामालाई बुधबार प्रहरीले पक्राउ गरेको हो ।
सामाजिक संजाल फेसबुक, ह्वाट्सएप, टिकटक लगायतमा नक्कली आईडीको प्रयोग गरी साथी बनाउने र उपचारको बहानामा सहयोग मागेर ठगी गर्ने गरेको प्रहरीले बताएको छ ।
त्यसैगरी रोजगारी मिलाई दिने जस्ता झुट्टा आश्वासन देखाई तथा विभिन्न प्रलोभनमा पारी ठगी गरेको आरोप उनीमाथि छ । उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं चाबहिल गणेशस्थानबाट पक्राउ गरेको हो ।
पक्राउ परेका लामालाई थप आवश्यक अनुसन्धान र कारबाहीका लागि जिल्ला प्रहरी परिसर काठमाडौं पठाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
Insert%20Rename%20Macros.jpeg "House for Sale at Imadol")
प्रतिक्रिया 4