उपत्यका प्रहरीको कमाण्ड पुलिस क्लबबाट

News Summary

Generated by OK AI. Editorially reviewed.

जेनजी आन्दोलनको आगजनीले क्षति पुगेको काठमाडौं उपत्यका प्रहरी कार्यालय रानीपोखरी अहिले पुलिस क्लब भृकुटीमण्डपबाट सञ्चालन भइरहेको छ।
उपत्यका प्रहरी कार्यालयको कमाण्ड प्रहरी अतिरिक्त महानिरीक्षकले गर्छन्।
पहिलो दिन डीआईजी ओम राणाले कमाण्ड गरेका थिए।

३ असोज, काठमाडौं । जेनजी आन्दोलनमा भएको आगजनीबाट पूर्ण रुपमा क्षति भएको काठमाडौं उपत्यका प्रहरी कार्यालय रानीपोखरी अहिले पुलिस क्बलमा सरेको छ ।

उपत्यकाका तीन जिल्लाहरू काठमाडौं, ललितपुर भक्तपुरको कमाण्ड गर्ने र अपराध अनुसन्धान कार्यालय टेकुको कमाण्ड गर्ने यो कार्यालय अहिले पुलिस क्लब भृकुटीमण्डपबाट सञ्चालन गरिएको हो ।

उपत्यका प्रहरी कार्यालयका एसएसपी तथा प्रवक्ता शेखर खनालले तोडफोड र आगजनीबाट पूर्ण क्षति भएपछि अहिले पुलिस क्लबबाट कार्यालय सञ्चालन गरिएको बताए ।

यो कार्यालयको कमाण्ड प्रहरी अतिरिक्त महानिरीक्षक (एआईजी)ले गर्छन् । पहिलो दिनको जेनजी आन्दोलनमा यो कार्यालय एआईजीविहीन थियो । डीआईजी ओम राणाले कमाण्ड गरेका थिए ।

पहिलो दिनको आन्दोलनपछि एआईजी दानबहादुर कार्कीले कमाण्ड गरिरहेका छन् ।