‘कमेडी नाइट विथ च्याम्पियन्स’ले ल्यायो जेनजी शहीदप्रति समर्पित विशेष एपिसोड

News Summary

Generated by OK AI. Editorially reviewed.

हिमालय टिभीमा मंगलबार जेनजी आन्दोलनका शहीदलाई समर्पित ‘कमेडी नाइट विथ च्याम्पियन्स’को २५ औं एपिसोड प्रसारण भयो।
कलाकारले भ्रष्टाचारविरुद्धको जेनजी आन्दोलनका शहीदको सहादत र त्यागलाई सम्मान गर्दै राजनीतिक कटाक्ष गरे।
निर्देशक विशाल भण्डारीले एपिसोड समाज र राष्ट्रपति दायित्वको रुपमा समर्पित गरिएको बताए।

काठमाडौं । जेनजी आन्दोलनका शहीदलाई समर्पित गर्दै हाँस्यब्यंग्य टिभी शो ‘कमेडी नाइट विथ च्याम्पियन्स’ले विशेष एपिसोड ल्याएको छ ।

‘ट्रिब्युट टु द मार्टेयर्स फुल एपिसोड’ नाम दिइएको शोको २५ औं भाग हिमालय टिभीमा मंगलबार प्रसारण भयो ।

कलाकारले भ्रष्टाचारविरुद्धको जेनजी आन्दोलनका शहीदको सहादत, उनीहरूको त्यागलाई सम्मान गर्दै राजनीतिक प्रवृत्ति, पुराना दल र भ्रष्टाचारविरुद्ध कटाक्ष गरेका थिए ।

आन्दोलनमा ज्यान गुमाउने छोराको बुवाको भूमिकामा सुमन कार्कीको अभिनयले दर्शकको मन जित्यो । उनको सशक्त र मर्मस्पर्शी अभिनयले ‘स्ट्यान्डिङ ओभेसन’ प्राप्त गर्‍यो ।

अध्यक्ष दीपाश्री निरौलाले त सुमनको प्रस्तुतमा आँसु मात्र झारिनन्, सलाम पनि गरिन् । प्रभात लामाले धरान उपमहानगरका मेयर हर्क साम्पाङको भूमिकामा अभिनय गदै दर्शकलाई प्रशस्त मनोरञ्जन दिए ।

अहिलेको जल्दोबल्दो इस्युलाई विषयवस्तु बनाइएको ‘कमेडी नाइट विथ च्याम्पियन्स’को पछिल्लो शोले दर्शकको मन जित्ने पक्का छ । निर्देशक तथा निर्माता विशाल भण्डारीले समाज र राष्ट्रपति आफूहरूको दायित्वको रुपमा यो एपिसोडलाई समर्पित गरिएको बताए ।

‘कमेडी नाइट विथ च्याम्पियन्स’ हरेक मंगलबार राती ९ बजे हिमालय टिभीबाट प्रसारण हुन्छ ।