बैंक खाताबाट वालेटमा रकम जम्मा गर्न सकिने सीमा बढाइयो चार गुणा

News Summary

Generated by OK AI. Editorially reviewed.

नेपाल राष्ट्र बैंकले चाडबाड लक्षित गरी बैंक खाताबाट वालेटमा रकम जम्मा गर्ने सीमा चार गुणा बढाएर दैनिक ४० पटकसम्म गर्न सकिने व्यवस्था गरेको छ।
प्राकृतिक व्यक्तिले विद्युतीय वालेटमा ५० हजार रुपैयाँभन्दा बढी मौज्दात राख्न नपाउने र बैंक खाताबाट वालेटमा पठाउन मिल्ने सीमा २ लाख रुपैयाँ तोकिएको छ।
यो व्यवस्था १३ असोजदेखि २१ असोजसम्म र दिपावली तथा छठ पर्वका बेला ३ कात्तिकदेखि १० कात्तिकसम्म लागु हुने राष्ट्र बैंकले बताएको छ।

९ असोज, काठमाडौं । नेपाल राष्ट्र बैंकले चाडबाड लक्षित गरी बैंक खाताबाट वालेटमा रकम जम्मा गर्न सकिने सीमा चार गुणा बढाएको छ ।

राष्ट्र बैंकले सबै भुक्तानी सेवा प्रदायक संस्थाका नाममा परिपत्र गर्दै यस्तो व्यवस्था गरेको जानकारी गराएको हो । अब प्राकृतिक व्यक्तिको वालेटमा एक दिनमा बढीमा ४० पटकसम्म रकम जम्मा गर्न सकिने भएको छ । यसअघि यस्तो सीमा १० पटकमात्र थियो ।

प्राकृतिक व्यक्तिले आफ्नो विद्युतीय वालेटमा ५० हजार रुपैयाँभन्दा बढी मौज्दात राख्न पाउँदैन । बैंक खाताबाट वालेटमा पठाउन मिल्ने कारोबारको सीमा २ लाख, वालेटबाट अन्य बैंक खातामा २ लाख र एक वालेटबाट अर्को वालेटमा पठाउन सकिने कारोबारको सीमा प्रतिदिन ५० हजार रुपैयाँ रहेको छ ।

यो व्यवस्था १३ असोजदेखि लागु भई २१ असोजसम्म कायम रहने छ । यसैगरी दिपावली र छठ पर्वका बेला ३ कात्तिकदेखि १० कात्तिकसम्म यो प्रावधान लागु हुने भएको छ ।