सैनिक मञ्चमा फूलपाती बढाइँ (तस्वीरहरू)

News Summary

Generated by OK AI. Editorially reviewed.

नेपाली सेनाले १३ असोजमा सैनिक मञ्च टुँडिखेलमा फूलपाती बढाइँ समारोह गरेको छ।
समारोहमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री सुशीला कार्की लगायत विशिष्ट व्यक्तिहरु सहभागी थिए।
सेनाले राइफल र तोपबाट लहरे बढाइँ प्रस्तुत गरेको थियो र हेलिकप्टरबाट पुष्पवृष्टि तथा व्यानर प्रदर्शन गरिएको थियो।

१३ असोज, गुल्मी। नेपाली सेनाले फूलपातीका अवसरमा सैनिक मञ्च टुँडिखेलमा फूलपाती बढाइँ गरेको छ। सेनाले सोमबार अपराह्न फूलपाती हर्ष बढाइँ समारोह गरेको हो।

यस अवसरमा सेनाले राइफल र तोपबाट लहरे एवं एकठ्ठा बढाइँ प्रस्तुत गरेको थियो। त्यस्तै, सेनाको हेलिकप्टरबाट पुष्पवृष्टिका साथै ‘फूलपाती बढाइँ समारोह–२०८२’ लेखिएको व्यानर प्रदर्शन गरिएको थियो।

समारोहमा सैनिक ब्याण्डबाट राष्ट्रिय धुन प्रस्तुत गरिएको थियो। त्यस्तै, इज्जत अर्पण कवाज, विभिन्न गुल्मद्वारा बढाइँ, मार्चपाससहितको बढाइँ गरिएको थियो।

समारोहमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमान सिंह राउत, सभामुख देवराज घिमिरे, राष्ट्रियसभा अध्यक्ष नारायणप्रसाद दाहाल, मन्त्रिगणलगायत विशिष्ट व्यक्तिहरु सहभागी थिए।

बडादशैंको सप्तमी अर्थात् फूलपातीका दिन सेनाले हरेक वर्ष सैनिक मञ्च टुँडिखेलमा समारोहका बीच फूलपाती बढाइँ गर्दै आएको छ।