जिपबाट खसेर घाइते भएका सरोजको उपचारका क्रममा मृत्यु

१९ असोज, काभ्रेपलाञ्चोक । दोलाखामा जीपको ढालाबाट खसेर घाईते भएका एक जनाको उपचारको क्रममा मृत्यु भएको छ ।

दोलखाको कालिन्चोक ९ सुन्द्रावतीस्थित चरिकोट सिंगटी सडक खण्डमा चरिकोटबाट लापिलाङ जादै गरेको जीपको ढालाबाट अचानक रोडमा खसेका बैतेश्वर-३ बस्ने ३० वर्षीसरोज दाहालको मृत्यु भएको हो।

जिल्ला प्रहरी कार्यालय दोलखाका सूचना अधिकारी श्रीराम तिमल्सिनाका अनुसार कालिन्चोक ५ लापिलाङ का ३४ वर्षीय चेत कुमार थापाले चलाएको बागमती प्रदेश ०१-०२६ च. ०८३६ नं. को बलेरोमा पछाडि सवार दाहाल शनिबार ढालाबाट अचानक रोडमा खसेर घाइते भएका थिए।

थप उपचारको लागि मध्यपुर थिमी अस्पताल लगेकोमा अस्पताल पुर्‍याउँदा चिकित्सकले मृत घोषणा गरेका थिए । दाहालको शव पोस्टमार्टमको लागि केएमसी अस्पताल काठमाण्डौ राखिएको प्रहरीले जनाएको छ ।