‘अभिमन्यु’ २१ कात्तिकमा आउने

News Summary

Generated by OK AI. Editorially reviewed.

फिल्म ‘अभिमन्यु’ को प्रदर्शन मिति प्राकृतिक विपत्तिको कारण २४ असोजबाट २१ कात्तिकमा सारिएको छ।
निर्माता विनोद पौडेलले सामाजिक सञ्जालमार्फत प्रदर्शन मिति सारिएको जानकारी दिएका छन्।
फिल्मलाई हिन्दी र नेपाली भाषामा एकसाथ रिलिज गर्ने तयारी भइरहेको छ।

काठमाडौं । फिल्म ‘अभिमन्यु’ को प्रदर्शन मिति पुनः सरेको छ । मुलुकको प्राकृतिक विपत्तिको पछिल्लो अवस्थालाई ख्याल गर्दै प्रदर्शन मिति सारिएको निर्माताले जनाएका छन् ।

२४ असोजको पूर्वनिर्धारित मिति स्थगित भएको छ । अब यो फिल्म २१ कात्तिक (नोभेम्बर ७) देखि रिलिज हुने जनाइएको छ ।

निर्माता विनोद पौडेलले सामाजिक सञ्जालमार्फत यसबारे जानकारी दिएका छन् । २१ कात्तिकमा ‘जारी २’ र ‘मन बिनाको धन’ फिल्म पनि प्रदर्शन तयारीमा छन् ।

दर्शकको सहज पहुँच र सुरक्षित माहोलमा प्रदर्शन गर्न सकियोस् भन्ने उद्देश्यले यो निर्णय लिइएको निर्माता पौडेलको भनाइ छ । उनले प्रतिकूल परिस्थितिमा दर्शकको साथ र सहयोगको अपेक्षा समेत गरेका छन् ।

यो फिल्मलाई उक्त मितिमा एकसाथ हिन्दी र नेपाली भाषामा रिलिज गर्ने जनाइएको छ । सेभेन सिज सिनेमाको ब्यानरमा निर्माण भएको यो फिल्ममा कामेश्वर चौरसिया, सरिता गिरी, किरण श्रेष्ठ, लक्ष्मी बर्देवा, गौमाया गुरुङ, प्रकाश दाहाल र शिशिर वाङ्देलको अभिनय छ ।

पौडेल र गुञ्जन गिरी निर्माता हुन् । रमेश चौलागाईं र हरि श्रेष्ठ सहनिर्माता रहेको फिल्मका कार्यकारी निर्मातामा विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ छन् ।