रेखा थापालाई लिएर ‘अभिमन्यु’ को दोस्रो अध्याय बन्न लागेको हो ?

News Summary

Generated by OK AI. Editorially reviewed.

थ्रीलर फिल्म 'अभिमन्यु' को प्रिमियर सोमबार सम्पन्न भयो जहाँ रेखा थापाको अनपेक्षित प्रवेशले दर्शकलाई सरप्राइज दियो।
निर्माताले रेखा थापाको विशेष भूमिकालाई लुकाएका थिए र दोस्रो अध्याय निर्माण गर्ने संकेत पनि दिएका छन्।
फिल्ममा थापाले अनुसन्धान अधिकृतको भूमिका निभाएकी छन् र दोस्रो अध्यायमा उनको कथा विस्तार हुने देखिन्छ।

काठमाडौं । थ्रीलर फिल्म ‘अभिमन्यु’ लाई सोमबार प्रिमियर गरियो, जहाँ अतिथिले फिल्म हेरे । फिल्मको अन्त्यतिर दर्शकले एक सरप्राइज पाए, जहाँ रेखा थापाको प्रवेश अनपेक्षित थियो ।

निर्माताले थापाको ‘विशेष भूमिका’ लाई लुकाएका थिए । तर, प्रिमियरमा यस कुराको खुलासा मात्र भएन, निर्माताले दोस्रो अध्याय निर्माण गर्ने कुराको पनि संकेत गरेका छन् ।

दाइजो प्रथा र त्यस पृष्ठभूमिमा कथा अघि बढ्दै जाँदा थापा अनुसन्धान अधिकृतको रुपमा फिल्ममा प्रवेश गर्छिन् । उनको उक्त प्रवेशले कथा अझै लम्बिने देखिन्छ । निर्माताले फिल्म निर्माण गरेको खण्डमा दर्शकले रेखालाई दोस्रो अध्यायमा हेर्न पाउनेछन् ।

यद्यपि, नेपाली फिल्ममा स्टारहरूको क्यामियो त हुने तर, फिल्म नबन्ने गरेको उदाहरण प्रशस्तै छन् । ‘अभिमन्यु’ का निर्माताले सुरुदेखि नै फिल्मलाई च्याप्टर वनको रुपमा प्रचारप्रसार गरेका छन् । यसको अर्थ, बाँकी कथा दोस्रोमा हुन्छ भन्ने हो ।

रेखाले यसअघि पनि केही फिल्ममा प्रहरीको भूमिकामा अभिनय गरेकी छिन् । ‘अभिमन्यु’ मा उनको रोल पनि उनको पर्सनालिटी र अघिल्ला रोलअनुसार दर्शनीय हुनसक्छन् ।

सुशान्त गौतम निर्देशित फिल्म ‘अभिमन्यु’ शुक्रबारदेखि प्रदर्शन तयारीमा छ जसलाई सेभेन सिज सिनेमाले निर्माण गरेको हो ।