‘माइतीघर’को भिडियो प्रतियोगितामा कसले जित्यो ५ लाख पुरस्कार ?

News Summary

Generated by OK AI. Editorially reviewed.

फूलपातीको दिनबाट रिलिज भएको फिल्म ‘माइतीघर’ले उत्साहजनक प्रतिक्रिया पाएको छ।
फिल्मले शीर्ष गीतमा आयोजना गरेको भिडियो प्रतियोगितामा बुटवलका दुई जनालाई विजेता घोषणा गरिएको छ।
विजेतालाई ५ लाख नगद पुरस्कार दिने घोषणा गरिएको छ र निर्णायक कविराज गहतराजले छनोट गरेका हुन्।

काठमाडौं । फूलपातीको दिनबाट रिलिजमा आएको फिल्म ‘माइतीघर’ले उत्साहजनक प्रतिक्रिया प्राप्त गरेको छ ।

फिल्मले प्रवर्धन अभियानअन्तर्गत शीर्ष गीतमा भिडियो प्रतियोगिता आयोजना गरेको थियो । ‘बसन्त नै बस्न खोज्छ यहाँ लोलाएर’ बोलको गीतमा आयोजना गरिएको प्रतियोगिताका विजेता घोषणा गरिएको छ ।

यो गीतमा भिडियो तयार पारेका १ हजार भन्दा धेरै जनामध्ये २ जनालाई विजेता घोषणा गरिएको हो । निर्णायक समेत रहेका नृत्य निर्देशक कविराज गहतराजले विजेता छनोट गरेका हुन् ।

दुवै जना विजेता बुटवलका छन् । बुटवलका सुरज सिञ्जाली मगर र वुटवलको कालिकानगरमा रहेको नाश्री डान्स एकेडेमीका बालिकाको समूहले भिडियो प्रतियोगिता जितेका छन् ।

दुवैजनाले समान अंक ल्याएका कारण दुवै जनालाई विजेता घोषणा गरिएको जनाइएको छ । विजेतालाई ५ लाख नगद पुरस्कार दिने घोषणा फिल्मले गरेको थियो ।

मिलन तामाङ निर्देशित फिल्ममा केदारप्रसाद घिमिरे, धीरज मगर, प्रकाश सपुत, उपासनासिंह ठकुरी, श्यामाश्री शेर्पा, युवराज लामा लगायतको अभिनय छ । रोहित अधिकारी फिल्म्स्को ब्यानरमा फिल्म निर्माण भएको हो ।