२२ असोज, बुटवल । जेनजी लुम्बिनी प्रदेश समितिले यही असोज २३ गते हुने भनिएको प्रदर्शनमा संलग्न नहुने जनाएको छ ।
जेनजी लुम्बिनी संयोजक आदित्य आचार्यले प्रेस विज्ञप्ति जारी गर्दै असोज २३ गते हुने भनिएको आन्दोलन आफूहरुको आयोजनामा नहुने र त्यसमा प्रत्यक्ष वा अप्रत्यक्ष संलग्नता पनि नरहने स्पष्ट पारेका हुन् ।
यदि कसैले जेनजी लुम्बिनी प्रदेशको नाम वा परिचय प्रयोग गरी आन्दोलनमा संलग्न हुने वा कुनै गतिविधिमा सहभागी हुने अवस्था भएमा त्यसको सम्पूर्ण जिम्मेवारी सम्बन्धित व्यक्तिहरूकै हुने विज्ञप्तिमा उल्लेख छ ।
संगठनले आफ्नो नाम दुरुपयोग गर्न नदिन सबैलाई सचेत पनि गराएको छ ।
दुई दिन अघि डा. निकोलस भुसालले बुटवलमा जेनजी युवा र अन्य पेशा व्यवसायमा संलग्न केही व्यक्तिको भेला गरेर असोज २३ गते आन्दोलन हुने बताएका थिए । उक्त भेलामा समेत आन्दोलनमा जाने कि नजाने भन्ने विषयमा मतभेद उत्पन्न भएको थियो ।
सहभागीहरुले आन्दोलनमा भन्दा चुनावमा जान सुझाव दिएका थिए । सुरज पोख्रेल, राजु श्रेष्ठ र योगराज क्षेत्री लगायतले जेनजीलाई विभाजित हुन नदिई एकताबद्ध भएर चुनावमा जानुपर्ने सुझाव राखेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Beautiful House on sale at Sanagau")
.jpg "Beautiful House on sale at Imadol")
प्रतिक्रिया 4