रातो नदीले तटबन्ध भत्काउँदा १५ करोड क्षति

फाइल फोटो

News Summary

Generated by OK AI. Editorially reviewed.

रातो नदीको बाढीले महोत्तरीको तटबन्ध १,६१० मिटर भत्काएर १५ करोड बराबरको क्षति पुर्‍याएको छ।
बाढीले जलेश्वरमा १,५०० परिवार विस्थापित भएका छन् र १० नगरपालिका र पाँच गाउँपालिकाका बासिन्दा प्रभावित भएका छन्।
सिँचाइ तथा जलस्रोत व्यवस्थापन आयोजना कार्यालयका इञ्जिनियर सुरेश मण्डलले बञ्चौरी र लोहारपट्टीमा तटबन्ध भत्किएको जानकारी दिएका छन् ।

२२ असोज, जलेश्वर (महोत्तरी) । रातो नदीको हालैको बाढीले तटबन्ध भत्काउँदा १५ करोड बराबरको क्षति भएको छ । नदीका दुवै किनारमा बनाइएका एक हजार ६१० मिटर तटबन्धमा क्षति हुँदा उक्त रकम बराबरको हानि भएको हो ।

करिब १५ करोड बराबरको तटबन्ध बगाएको जनकपुरस्थित सिँचाइ तथा जलस्रोत व्यवस्थापन आयोजना कार्यालयका इञ्जिनियर सुरेश मण्डलले जानकारी दिए ।

उनका अनुसार, रातो नदीले बञ्चौरीको दुई स्थानमा ७० र ८० मिटर, लोहारपट्टीको दुवैतर्फ तीन सय मिटर डाम्हीमा १५० मिटर तटबन्ध भत्काएको छ । नदीले तटबन्ध भत्काएपछि जिल्ला सदरमुकाम जलमग्न भएको थियो ।

बाढीबाट जलेश्वरका एक हजार ५०० परिवार विस्थापित भएका छन् भने जिल्लाको एकडारा, महोत्तरी गाउँपालिका, पिपरा गाउँपालिका, मटिहानी नगरपालिका, बलवा नगरपालिकासहित १० नगरपालिका र पाँच गाउँपालिकाका बासिन्दा प्रभावित भएका छन् । रासस