२६ असोज, काठमाडौं । नेपाली कांग्रेसका नेता अर्जुननरसिंह केसीले यथास्थितिमा कांग्रेस जनतामा जान नसक्ने बताएका छन् ।
शनिवार पदाधिकारी र पूर्वपदाधिकारी बैठकका लागि पार्टी केन्द्रिय कार्यालय सानेपा पुग्नुभएका नेता केसीले यस्तो बताएका हुन् ।
उनले यथास्थिति, अहिलेको विधि, पद्धति र अनुहार लिएर जनताको बीचमा काँग्रेस जान नसक्ने जिकिर गरे ।
‘म आफैं पनि युवाहरुले हरेक तहमा प्रतिनिधित्व गर्नुपर्छ भनेर बोलेको मान्छे हुँ । भोलि पनि केन्द्रिय समितिमा भन्छु । उर्जाशील समूहलाई न्युनतम रुपमा पनि सहभागी गराउनुपर्छ,’ उनले भने, ‘समग्र रुपमा युवा पिँढीको धारणा नै प्रतिनिधित्व गर्न सकेनौँ भने हामी वास्तवमा जनताको बीचमा स्थापित हुन सक्दैनौँ ।’
अहिलेको विधि, पद्धतिलाई व्यापक परिवर्तन गर्न जरुरी रहेको उनको भनाइ छ ।
‘युवाको धारणामात्रै होइन पार्टीलाई स्वतत्र र संगठित बनाउनुपर्छ । अहिलेकै यथास्थितिमा, अहिलेको विधि, पद्धति र अनुहार लिएर हामी जनताको बीचमा जान सक्दैनौँ । यसमा व्यापक परिवर्तन जरुरी छ,’ उनले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Beautiful House on sale at Sanagau")
.jpg "Beautiful House on sale at Imadol")
प्रतिक्रिया 4