साथीहरूले जिस्क्याउँथे, बालिका मृत भेटिइन्

२८ असोज, काठमाडौं ।  उत्तरपूर्वी फ्रान्समा एक नौ वर्षीया बालिका यस सप्ताहन्तमा आफ्नै घरमा मृत फेला परेकी छन् ।

अभियोजक र प्रहरी स्रोतहरूले आफ्ना साथीहरूले अनावश्यक जिस्काउने गरेका कारण उनले आत्महत्या गरेको हुनसक्ने बताएका छन् ।

सोमबार ती बालिकाको शव सारेगुमाइन्स शहरमा फेला परेपछि पूर्व प्रधानमन्त्री गेब्रियल अटलले परिवारप्रति समवेदना व्यक्त गरेका छन् ।

‘बदमाशी एक अभिशाप र मन्द विष हो, जसले आत्मविश्वास नष्ट गर्दछ र सबैभन्दा खराब अवस्था निम्त्याउन सक्छ,’ गत वर्ष स्कूलमा उत्पीडनविरुद्ध लड्न एक सङ्घ स्थापना गरेका पूर्व शिक्षा मन्त्रीले एक्समा लेखेका छन् ।

क्षेत्रीय शिक्षा अधिकारीहरूले ‘यस दुःखद घटनाबाट उनीहरू स्तब्ध भएको’ बताएका छन् यद्यपि सरकारी अभियोजकको कार्यालयले अनुसन्धान जारी रहेको बताएको छ।

सरकारी अभियोजकको कार्यालयले विस्तृत विवरण प्रदान नगरीकन भनेको छ, ‘ती बालिकाले आत्महत्या गरेको जस्तो देखिन्छ।’

प्रहरी स्रोतका अनुसार ती बालिकाले मृत्युपूर्व आफ्नो परिवारलाई पत्र लेखेको जानकारी पाइएको छ।

उनकी आमाका अनुसार, पत्रमा बालिकाले आफ्ना प्राथमिक विद्यालयका सहपाठीहरूले उनलाई बढी तौल भएको भन्दै जिस्काउने गरेको र पहिल्यै पनि यसका कारण ती बालिकाले आत्महत्या गर्ने निर्णय लिएको बताएकी थिइन्।

सोमबार बिहान विद्यालय बाहिर फलामको बारमा सेतो गुलाबहरू राखेर विद्यालयलाई पनि घटनाबारे सूचना दिइएको छ तर यो साङ्केतिक रूपमा मात्र जानकारी थियो।

बालिकाको परिवारको नजिकका एक व्यक्तिले नाम नबताउने सर्तमा भने, ‘विद्यालयलाई बदमाशी (घटना)को बारेमा जानकारी दिइएको थियो।’

नौ वर्षीया सहपाठी अब्नोरले भनिन्, ‘बालिकालाई त्यो दिन पनि कक्षामा र घर फर्कने क्रममा पनि जिस्काइएको थियो ।’

बालिकाले विद्यालय बाहिर आफूसँग भनेको कुरा सम्झँदै आमाले भनिन्, ‘कक्षामा, उनी हाँसिन्, उनी अलि हँसिलो थिइन्, तर अन्य बच्चाहरूले उनलाई गरेको अपमानका कारण कहिलेकाँही निराश पनि बन्नुपरेको थियो ।’

उनले थपिन्, ‘यो राम्रो होइन ।’

आमाले बालिकाले भनेका कुरा जस्ताको तस्तै सम्झँदै भनिन्, ‘हामी सिक्न, राम्रो जागिर पाउन, पैसा कमाउन विद्यालयमा गएका हुन्छौँ । न त यहाँ न त संसारको कहीँ पनि दादागिरीको लागि ठाउँ होइन ।’ एएफपी