महाधिवेशनको मिति तोक्ने निर्णयमा ओलीलाई विष्णु रिजालको धन्यवाद

News Summary

Generated by OK AI. Editorially reviewed.

नेकपा एमालेका केन्द्रीय सदस्य बिष्णु रिजालले महाधिवेशनको मिति निर्धारण गरेर पार्टीलाई अगाडि बढाउने कुरा प्रशंसनीय रहेको बताएका छन्।
जावलाखेलमा सुरु भएको केन्द्रीय कमिटी बैठकमा रिजालले अध्यक्ष केपी ओलीलाई महाधिवेशनको मिति तोकेर जाने निर्णय लिएकोमा धन्यवाद दिएका छन्।
रिजालले महाधिवेशनले नेतृत्व परिवर्तन, पुस्तान्तरण र हस्तान्तरणको विषय बदलिएको उल्लेख गर्दै नेतृत्व निर्माण त्यहीबाट हुने बताए।

२७ असोज, काठमाडौं । नेकपा एमालेका केन्द्रीय सदस्य बिष्णु रिजालले महाधिवेशनको मिति निर्धारण गरेर पार्टीलाई अगाडि बढाउने कुरा प्रशंसनीय रहेको बताएका छन् ।

जावलाखेलमा आजबाट सुरु भएको केन्द्रीय कमिटी बैठकमा रिजालले महाधिवेशनको मिति तोकेर जाने निर्णय लिएकोमा अध्यक्ष केपी ओलीलाई पनि धन्यवाद दिए । ‘सचिवालयमा गहन छलफल गरेर सर्वसम्मत रुपमा महाधिवेशनमा जाने प्रस्ताव गर्नुभयो, यसका लागि उहाँ धन्यवादको पात्र हुनुहुन्छ,’ रिजालले भने ।

महाधिवेशनमा जाने निर्णयले नेतृत्व परिवर्तन, पुस्तान्तरण र हस्तान्तरणको विषय अब बदलिएको उनले बताए । ‘अब दुई महिना पनि रहेन महाधिवेशन, नेतृत्व निर्माण त्यहीबाट हुने भएकाले यो निर्णय धन्यवाद योग्य हो,’ उनले भने ।