२०८२ कात्तिक २ गते १४:२५ 
News Summary
Generated by OK AI. Editorially reviewed.- नेपाल क्रिकेट संघले आगामी नोभेम्बर ७ देखि ९ सम्म हङकङमा हुने हङकङ क्रिकेट सिक्सेस २०२५ का लागि ७ सदस्यीय टोली घोषणा गरेको छ।
- टोलीमा कप्तान शरद भेषावकरसहित सन्दीप जोरा, लोकेश बम, मोहम्मद आदिल आलम, बसिर अहमद, रुपेश सिंह र राशिद खान छन्।
- शरदले यस प्रतियोगितापछि अन्तर्राष्ट्रिय क्रिकेटबाट सन्यास लिने क्यानले जानकारी दिएको छ।
२ कात्तिक, काठमाडौं । हङकङ क्रिकेट संघको आयोजनामा आगामी नोभेम्बर ७ देखि ९ सम्म हङकङमा आयोजना हुने हङकङ क्रिकेट सिक्सेस २०२५ का लागि नेपाली टोली घोषणा भएको छ ।
नेपाल क्रिकेट संघ (क्यान) ले आइतबार भेट्रान क्रिकेटर शरद भेषावकरको कप्तानीमा ७ सदस्यीय टोली घोषणा गरेको हो ।
टोलीमा शरदसँगै यसअघि कप्तानी गरेका सन्दीप जोरा, लोकेश बम, मोहम्मद आदिल आलम, बसिर अहमद, रुपेश सिंह र राशिद खान छन् ।
यस्तै यस प्रतियोगितामा खेलेपछि शरदले अन्तर्राष्ट्रिय क्रिकेटबाट सन्यास लिने पनि क्यानले जानकारी दिएको छ ।
हङकङ क्रिकेट सिक्सेसमा नेपाल पोल ‘ए’मा परेको छ । यस पोलमा नेपालसँगै दक्षिण अफ्रिका र अफगानिस्तान सामेल छन् ।
प्रतियोगिता नोभेम्बर ७ देखि ९ सम्म टिन क्वोङ रोड रिक्रिएसन ग्राउन्डमा आयोजना हुनेछ । सहभागि १२ टोलीलाई चार समूहमा विभाजन गरिएको छ ।
पोल ‘बी’मा अस्ट्रेलिया, इङ्ग्ल्यान्ड र यूएई छन् भने पोल ‘सी’मा भारत, पाकिस्तान र कुवेत तथा पोल ‘डी’मा श्रीलंका, बंगलादेश र हङकङ सामेल छन् ।
यस प्रतियोगिताको हरेक खेल ६-६ ओभरको हुनेछ भने एक टिममा ६ खेलाडी खेल्न पाउनेछन् ।
एक इनिङमा चार खेलाडीले बढीमा १ ओभर बलिङ गर्न पाउनेछन् भने एक खेलाडीले २ ओभर बलिङ गर्न पाउँछन्।
सन् १९९३ देखि सुरु भएको हङकङ सिक्सेस प्रतियोगिता पछिल्लो पटक सन् २०२४ मा आयोजना भएको थियो जहाँ श्रीलंकाले उपाधि जितेको थियो ।
प्रतिक्रिया 4