प्रतापलाई भाइटीका लगाइदिँदै एलिना : दाजुबहिनी भनेर प्रमाणित गर्नुपर्ने हाम्रो समाज

News Summary

Generated by OK AI. Editorially reviewed.

गायिका एलिना चौहान र गायक प्रताप दास अमेरिकामा सांगीतिक कार्यक्रमको क्रममा तिहार मनाएका थिए।
एलिनाले सामाजिक सञ्जालमा प्रतापलाई भाइटीका लगाएको भिडियो पोस्ट गर्दै दाजुभाइ भएको प्रमाणित गर्नुपर्ने समाजको कुरा उल्लेख गरिन्।
उनीहरूले अमेरिकामा तिहार गीत पनि ल्याएका थिए र प्रशंसकलाई शुभकामना दिइन्।

काठमाडौं । गायिका एलिना चौहान र गायक प्रताप दास सांगीतिक कार्यक्रमको सिलसिलामा पछिल्लो महिना अमेरिकामा थिए ।

आफूहरू स्वदेश फर्किन लागेको जानकारी एलिनाले सामाजिक सञ्जालबाट दिएकी छन् । यता आउनुअघि उनीहरूले अमेरिकामै तिहार मनाए ।

एलिनाले प्रतापलाई भाइटीका लगाइदिएकी छन् । उनले यसको जानकारी सामाजिक सञ्जालमा भिडियो र फोटो पोस्ट गर्दै दिएकी छन् ।

सामन्यतया पर्व मनाएको फोटो र भिडियो सामाजिक सञ्जालमा सबैले हाल्छन् । तर, एलिना र प्रतापको मित्रता सामाजिक सञ्जालमा चर्चाको विषय बनेको थियो ।

आरोप र आशंकाको खण्डन गर्दै एलिनाले फेसुबकमा प्रतापलाई भाइटीका लगाइदिएको भिडियो पोस्ट गरेकी छन् । क्याप्सनमा लेखिएको छ, ‘ दाजु बहिनी जस्तो पवित्र सम्बन्धमा पनि दाजुबहिनी हो भनेर प्रमाणित गर्नुपर्ने हाम्रो समाज ।’

‘ह्याप्पी भाइटीका’ भन्दै उनले प्रशंसकलाई तिहारको शुभकामना दिएकी छन् । अमेरिकामा छँदै उनीहरूले दाजुभाई भएको प्रमाणित गर्न तिहार गीत ल्याएका थिए ।