श्रीनगर एग्रिटेकको आईपीओ बाँडफाँट

News Summary

Generated by OK AI. Editorially reviewed.

श्रीनगर एग्रिटेक कम्पनीको प्राथमिक सेयर (आईपीओ) बिक्री प्रवन्धक नबिल इन्भेस्टमेन्ट बैंकिङले १२ कात्तिकमा बाँडफाँट गरेको छ।
कम्पनीले सर्वसाधारणका लागि २५ लाख १० हजार ४९३ कित्ता आईपीओ निष्कासन गरेको थियो र १८ लाख ६९ हजार ३३० आवेदन स्वीकृत भएका थिए।
स्वीकृत आवेदनमध्ये २ लाख ५१ हजार ४९ जनाले सेयर पाएका छन् र नतिजा आईपीओ रिजल्ट डट् सीडीएससी डट् कम डट् एनपीमा हेर्न सकिनेछ।

१२ कात्तिक, काठमाडौं । श्रीनगर एग्रिटेक कम्पनीको प्राथमिक सेयर (आईपीओ) बाँडफाँट भएको छ । बिक्री प्रवन्धक नबिल इन्भेस्टमेन्ट बैंकिङले एक औपचारिक कार्यक्रममार्फत् बुधबार बिहान आईपीओ बाँडफाँट गरेको हो ।

कम्पनीले सर्वसाधारणका लागि असोज २६ देखि २९ गतेसम्म आईपीओमा आवेदन माग गरेको थियो । कम्पनीले आम सर्वसाधारणका लागि कुल २५ लाख १० हजार ४९३ कित्ता आईपीओ निष्कासन गरेको हो ।

सोही सेयर आज समानुपातिक रुपमा बाँडफाँट भएको छ । आईपीओमा १८ लाख ९८ हजार बढीले आवेदन दिएकामा १८ लाख ६९ हजार ३३० आवेदन स्वीकृत भएको थियो।

स्वीकृत आवेदनमध्ये २ लाख ५१ हजार ४९ जनाले सेयर पाएका छन् । यीमध्ये ३ जनाले ११ कित्ता र बाँकीले १० कित्ताका दरले पाएका हुन् । यसको नतिजा केही बेरपछि आईपीओ रिजल्ट डट् सीडीएससी डट् कम डट् एनपीमा हेर्न सकिनेछ ।

रुपन्देहीको शुद्धोधन गाउँपालिकामा कम्पनीको कारोबार स्थान हो । कम्पनीले पशुपन्छी तथा माछाको दाना, आहार उत्पादन गर्दै आएको छ । त्यस्तै मासु प्रशोधन तथा शीत भण्डार स्थापना गर्ने लक्ष्य लिएको छ ।

असार मसान्तसम्म कम्पनीको प्रतिसेयर नेटवर्थ १०२ रुपैयाँ १३ पैसा छ भने प्रतिसेयर आम्दानी १ रुपैयाँ ६८ पैसा छ । सञ्चित नाफा २ करोड १९ लाख रुपैयाँ छ ।