२०८२ कात्तिक १२ गते १८:३० 
News Summary
Generated by OK AI. Editorially reviewed.- पोखरा एभेन्जर्सले नेपाल प्रिमियर लिगको दोस्रो संस्करणका लागि रातो रंगको नयाँ जर्सी सार्वजनिक गरेको छ।
- पोखराले इंग्ल्याण्डका विकेटरकिपर एडम रोसिङ्गटनलाई विदेशी खेलाडीका रूपमा अनुबन्ध गरेको छ।
- नेपाली राष्ट्रिय टिमका कुशल भुर्तेल मार्की रहेका पोखराले सागर ढकाल, आकाश चन्द, विपिन खत्री लगायतलाई रिटेन गरेको छ।
१२ कात्तिक, काठमाडौं । नेपाल प्रिमियर लिग (एनपीएल) को दोस्रो संस्करणका लागि पोखरा एभेन्जर्सले नयाँ जर्सी सार्वजनिक गरेको छ ।
क्लबले बुधबार सामाजिक सञ्जालमा एक भिडियो राख्दै जर्सी सार्वजनिक गरेको हो । जर्सीमा रातो रङको प्रयोग गरिएको छ ।
पोखराले विदेशी खेलाडीका रूपमा इंग्ल्याण्डका अनुभवी विकेटरकिपर तथा आक्रमक ब्याटर एडम रोसिङ्गटनलाई अनुबन्ध गरेको छ ।
नेपाली राष्ट्रिय टिमका ओपनर कुशल भुर्तेल मार्की रहेकोले पोखरा सागर ढकाल, आकाश चन्द, विपिन खत्री, किरण ठगुन्ना, तृत राज दास र दिनेश खरेललाई रिटेन गरेको थियो ।
यस्तै पोखराले अक्सनबाट अभिषेक तिवारी, अर्जुन कुमाल, कृष्ण पौडेल र सन्दीप खत्री क्षेत्री अनुबन्ध गरेको थियो ।
एनपीएलको दोस्रो संस्करण मंसिर १ गतेदेखि सुरु हुँदैछ ।
प्रतिक्रिया 4