सञ्चारमन्त्री खरेलले गरे दिवंगत पत्रकार सुरेश रजकको परिवारसँग भेट

News Summary

Generated by OK AI. Editorially reviewed.

सञ्चार तथा सूचना प्रविधिमन्त्री जगदीश खरेलले दिवंगत पत्रकार सुरेश रजकको परिवारसँग भेट गरी न्यायका लागि पहल गर्ने प्रतिबद्धता जनाएका छन्।
सञ्चारमन्त्री खरेलले रजककी धर्मपत्नी सुजन रजकलाई रोजगारी र उच्च शिक्षाका लागि समन्वय गर्ने प्रतिबद्धता जनाएका छन्।
२०८१ चैत १५ गते तीनकुनेमा भएको प्रदर्शनमा आगजनीमा परेर सुरेश रजकको मृत्यु भएको थियो र परिवारले दोषीलाई कानुनी दायरामा ल्याउन माग गर्दै आएको छ।

१२ कात्तिक, काठमाडौँ । सञ्चार तथा सूचना प्रविधिमन्त्री जगदीश खरेलले दिवंगत पत्रकार सुरेश रजकको परिवारसँग भेट गरी पीडित पक्षको न्यायका लागि पहल गर्ने प्रतिबद्धता जनाएका छन्।

सिंहदरबारस्थित मन्त्रालयमा बुधबार रजककी धर्मपत्नी सुजन रजकसहित परिवारका सदस्यहरूसँग छलफल गर्दै सञ्चारमन्त्री खरेलले दिवंगत पत्रकार सुरेशको न्यायका लागि आफूले निरन्तर पहल गर्ने विश्वास दिलाए ।

सञ्चारमन्त्री खरेलले दिवंगत पत्रकार रजकको धर्मपप्नी सुजन रजकलाई रोजगारीका निम्ति समन्वय गर्ने तथा निजको उच्च शिक्षाका लागि पहल गर्ने प्रतिबद्धता जनाए । सो अवसरमा रजककी धर्मपप्ती सुजन रजकले सुरेशको न्यायका लागि पहल गरिदिन सञ्चारमन्त्री समक्ष आग्रह गरेको थियो ।

विसं २०८१ चैत १५ गते काठमाडौँको तीनकुनेमा भएको प्रदर्शनका क्रममा भएको आगजनीमा परेर पत्रकार सुरेशको मृत्यु भएको थियो । घटनाका दोषीलाई कानुनी दायरामा ल्याउन रजकको परिवारले माग गर्दै आएको छ ।