२०८२ कात्तिक १३ गते ११:२४ 
News Summary
Generated by OK AI. Editorially reviewed.- नेपालले आईसीसी विश्व क्रिकेट लिग २ अन्तर्गत यूएईविरुद्ध दोस्रो खेलमा टस जितेर पहिले ब्याटिङ गर्ने निर्णय लिएको छ।
- नेपाल र यूएई दुवैले पहिलो खेलमा अमेरिकासँग पराजित भएका थिए र पहिलो जितको खोजीमा छन्।
- नेपालले यूएईसँग ओडिआईमा १५ खेल खेलिसकेको छ, जसमा नेपालले ९ र यूएईले ६ खेल जितेका छन्।
१३ कात्तिक, काठमाडौं । आईसीसी विश्व क्रिकेट लिग २ अन्तर्गत यूएईमा जारी ओडिआई शृंखलाको आफ्नो दोस्रो खेलमा नेपालले यूएईविरुद्ध पहिले ब्याटिङ गर्दै छ ।
दुबईस्थित आईसीसी एकेडेमीमा भइरहेको खेलमा नेपालका कप्तान रोहित पौडेलले टस जितेर पहिले ब्याटिङ गर्ने निर्णय लिएका हुन् । नेपालले आफ्नो पहिलो खेलबाट कुनै परिवर्तन गरेको छैन ।
जारी शृंखलामा दुवै टोली आफ्नो पहिलो खेलमा अमेरिकासँग पराजित भएका थिए । नेपालले १०६ रनको लज्जास्पद हार बेहोरेको थियो भने यूएई ४ विकेटले पराजित भएको थियो । दुवै टोली शृंखलामा पहिलो जितको खोजीमा हुनेछन् ।
यूएईसँग नेपालले हालसम्म १५ पटक ओडिआईमा खेलेको छ । नेपाल ९ खेलमा विजयी हुँदा यूएईले ६ खेल जितेको छ ।
नेपालको प्लेइङ ११ : कुशल भुर्तेल, आसिफ शेख, भीम सार्की, रोहित पौडेल, आरिफ शेख, दीपेन्द्रसिंह ऐरी, गुल्शन झा, सोमपाल कामी, करण केसी, सन्दीप लामिछाने, ललित राजवंशी
प्रतिक्रिया 4