१४ कात्तिक, काठमाडौ । जेनजी अगुवा रक्षा बमको संयोजकत्वमा ‘नेपाल जेनजी फ्रन्ट’ नाम राखेर मोर्चा घोषणा भएको छ ।
उनले सामाजिक सञ्जालमा २१ पृष्ठको दस्तावेजसहित मोर्चा घोषणा गरेकी हुन् । जेनजी आन्दोलनलाई संस्थागत गर्न भन्दै उनले जेनजी फ्रन्ट गठन गरेको जनाएकी छिन् ।
बमको संयोजकत्वमा गठन भएको फ्रन्टमा युजन राजभण्डारी, यतिष ओझा, मनिष खनाल, आदित्य कर्ण, ऋतु खड्का, संविधान प्रसाईं, नजिर आलम, आसन अन्सारी, पूजा मेहता लगायत सदस्य रहेका छन् ।
संयोजक बमले आज जारी गरेको विज्ञप्तिमा जेनजी विद्रोहलाई संस्थागत गर्ने एजेन्डाहरू एकिकृत गर्ने र जेनजी विद्रोहसँगै गठन भएका विभिन्न जेनजी समूहरूलाई एकीकृत गर्ने उद्देश्य राखिएको उल्लेख छ ।
विज्ञप्तिमा यो समूह राजनीतिक विचार मिल्ने सबै जेनजी समूहलाई एकताबद्ध गर्न गठन गरिएको प्रारम्भिक समूह भएको बताइएको छ । साथै, काठमाडौं र देशका अन्य भागमा जेनजी विद्रोहमा सक्रिय रहेका सबैलाई यो समूहमा जोडिन पनि उनीहरूले आह्वान गरेका छन् ।
अहिले गठन गरिएको समूहले संघीय संरचनाका रुपमा काम गर्ने तथा प्रदेश र जिल्लाका समितिहरू पनि चाँडै घोषणा हुने संगठन समितिका संयोजक युजन राजभण्डारीले जानकारी दिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land on sale at Balkot")
प्रतिक्रिया 4